جنوبی کوریا کی فوج نے کہا ہے کہ شمالی کوریا نے دونوں ممالک کے درمیان سرحد پر اپنے علاقے میں سڑکوں اور ریلوے ٹریک کے کچھ حصوں کو دھماکے سے اڑا دیا ہے۔

خبر رساں ادارے 'رائٹرز' کے مطابق منگل کو فوج نے واقعے کی ایک ویڈیو بھی جاری کی اور اپنے بیان میں بتایا کہ شمالی کوریا نے جنوبی کوریا آنے والی سڑک اور ریلوے لائنز کے کچھ حصوں کو دھماکے سے اڑا دیا ہے۔

بیان میں کہا گیا ہے کہ دھماکوں میں جنوبی کوریا کا کوئی نقصان نہیں ہوا تاہم جواب میں جنوبی کوریا نے وارننگ شاٹس فائر کیے۔

خبر رساں ادارے 'ایسوسی ایٹڈ پریس' کے مطابق شمالی کوریا نے غصے کی علامت کے طور پر سڑک اور ریلوے روٹ کے اس حصے کو اڑایا ہے۔ دونوں ممالک کے درمیان یہ حصہ استعمال میں نہیں تھا۔ یہ دھماکے شمالی کوریا کے اس دعوے کے بعد ہوئے ہیں جس میں اس نے کہا تھا کہ جنوبی کوریا نے پیانگ یانگ پر ڈرونز اڑائے ہیں۔

#VOAUrdu #NorthKorea #SouthKorea #Shorts