ወረብ ዘሚያዝያ ጊዮርጊስ
አመ ፳ወ፫ ለሚያዝያ

ከመ ሀሊብ ዘዕጐልት ወከመ ወይን ዘገነት፣
ስምከ ይጥዕም ጊዮርጊስ ጊዮርጊስ ሰማዕት።

ጸርሐ ጊዮርጊስ በዓቢይ ቃል ወይቤ በዓቢይ ቃል፤
ዕፎ ኢይሄሊ ከመ አምላኪየ ተሰቅለ ዲበ ዕፀ መስቀል።

ቅዱስ ጊዮርጊስ ሶበ ሶበ ተከለለ፤
ደም ወማይ ወሀሊብ እምነ ክሳዱ ፈልፈለ።

ወይቤ ጊዮርጊስ በዓቢይ ቃል ፀርሐ በዓቢይ ቃል ወይቤ፤
ዕፎ ኢይሄሊ ከመ አምላኪየ ተሰቅለ ዲበ ዕፀ መስቀል።

ጊዜ ስድስቱ ሰዓት ጊዜ ጊዜ ስድስቱ ሰዓት፤
አጽነነ ርእሶ ጊዮርጊስ ወወጽአት መንፈሱ ሶቤሃ።

ዮም ተጽሕፈ እምነገሥት ክላሌሁ በመጥባሕት ለጊዮርጊስ፤
ጸለየ ጊዮርጊስ ወአውዓዮሙ በነበልባል አማን ገባሬ ኃይል።

ሥርዓተ ምሥጢር ለጊዮርጊስ ለጊዮርጊስ ነገሮ ሥርዓተ ምሥጢር፤ በደኃሪ ይትገበር ዘሀሎ በንዝኃተ ደሙ ለክርስቶስ።