Unauthorized reproduction is strictly prohibited

AMEN I THU NI PEI RAW SEH
Hi hla hi July 9 2022 kuma ka Testimony hla a nia,
Khâng laikhan Kan insûng natna'n ami tlakbuok a, Insûngpa tak kei Natna khuma thlakhat vâng ka bawka, thei ang anga inenkawla ka hung dam charin ka nuhmei a hung damnaw nawk a, Kârkhat hnungah a hungdam hnung chun, Amak a nih' Ka nauhai popo hritlâng khawsikin an hung damnaw nawk vawng ela, Sum le paiah kan harsa bawk, Ka naunu upa taknu Amit khawm anasaa, Doctora in enkawl ngaia kan um mek laiin, Choir rawngbawla pênsuok a hung ṭul nawk bawk, Ka Insûng ka nuhmei ka nau le tehai ka enin ka lungngaiin ka bei a dawng ta êm êma, Choir rawngbawla ka fe ding hi ṭhul el kha ka lungril ah a hung uma, Chu laia ka lungril ngaituona a chun Pathien rama rawngbawltu ka ni ve si hin chu Malsawmna hai le Hrisêlna hai khawm hi Lalpan mi pe âwmtak' tiin Lalpa a chun nuor thu inzawt ding zawnga ka buoi laiin, Lalpa rawl chun "Ka nau, i ta dinga ka tuor laiin harsatna ka hnâwl am ani? Mihai damna dingin harsatna ka pek che annawm" tin ami hung hrila, ka ta dinga ami lo tuorpekna ram amin hmutira, Amen, ti lo chu Hril ding neilovin ka um ta a nih.

Lalpan ngaithlatuhai popo malsawm raw se.

Zoramthang Ṭhiek