Unauthorized reproduction is strictly prohibited.

ṬHANGPUI VARTU HNAI ZING
Taksa khawsakna, sin zawngna tieng hlawtlingna um thei lo le hrisêlna tieng ka ena taksa hrât nawna leh iengkim hi hawphurna in ka sipa, mangang le beidawng takin Pathien ka ko a, nitin deuthaw in fienriel țawngțaina hun ka hmanga, chuonga beidawng taka prayer mountain ah cabin sûnga fienriel hun ka hmanga Bible ka tiem laiin Psalm 46 na hi ka tiema chu taka chun Pathienin a mi hung hnêma, Ami umpuina le A mi țhuoina hai po po a mi'n hmû kîr tira, A mi chelzing thu le ka kuomah A umzing thu dam, harsa taka inthawkin mi kei suoka ran ruol anga, hmun insâng lem hlo țhatna hmunah mi țhuoikaia ruolțha tamtak a mi siem pêk hâi dâm a mi'n hmutira, Khawvêl hi bo sienkhawm ka kuoma umzing ding thu A mi'n hâi dâm ami'n hriettir thar anih. Chu taka chun chawp le chilin Țhangpui Vartu Hnaizing hih a thlûk le a mi hung pêk vawng el a nih. Chun hlim takin cabin sûnga chun ka khâtin ka sak ka sak nghe nghe a nih. Chû taka inthawk chun hi hla 'Țhangpui Vartu Hnai Zing' ti hih a hung suok dawk a nih.

Phuoktu
David L. Zote