ekarri zaituztegunak
etsaiak eta lagunak
begi eta gogo argiak
dira behar ditugunak
oi, au, hustuak
beteko manifestuak

teilatuetako kedarrak
airera hiri zaharrak
doinuak leundu ote
ditzake gure negarrak?
oi, au, laztuak
leundu manifestuak

egoeraren zorrotzak
eguneroko morrontzak
ostu egiten dizkigu
gureak ziren ahotsak
oi, au, ostuak
itzuli manifestuak

eta eskuak eskuari
emanaldi bat opari
zer kantatu behar zaio
kantuz ez dakienari?
oi, au, eskuak
dakargu manifestua

----------------------------------------------------------

«Manifestua» EKIDA kultur ekimen sozialistak sustatutako diziplinarteko ikuskizuna da, 2021eko martxotik uztailera taula gainean eskainia.

«Manifestua» ikuskizunerako berariaz egindako testuak erabili ziren, eta horiek dakartzagu grabaketa honetan. Besteren testu eta kantak ere erabili eta moldatu ziren, arte iraultzailearen tradizioa errebisitatzeko saiakeran. Hor dakartzagu, hurrenez hurren, Robert Wyatt, Jacques Marchais, Mikel Laboa eta Victor Jararen kantak.

Kantak eta poemak 2021eko ekainaren 19an grabatu ziren, zuzenean, Azkoitiko Baztartxo Antzokiko emanaldian.