તું રાધા કેમ રીસાણી છે તારી આંખો કેમ ભીંજાણી છે
તું મન માં કેમ મુંઝાણી છે તારી આંખો કેમ ભીંજાણી છે

કોણે કડવા વેણ કહ્યા તુજને
તારા મન નું દુઃખ કહે મુજને
તું મન માં કેમ મુંઝાણી છે તારી આંખો કેમ ભીંજાણી છે...

વ્રજ ની ગોપી છે મુજને વ્હાલી
એમાં મુજને તું અતિ વ્હાલી
તારી વેણી કેમ વિખરાણી છે તારી આંખો કેમ ભીંજાણી છે...

તને બંસી ગમે તો બંસી દઉં
જીવનભર તારો થઈ ને રહું
મારા હૃદય કમળ ની રાણી છે
તારી આંખો કેમ ભીંજાણી છે...

તારા આંસુડાં હું લૂછી નાખું
તારું નામ સદા આગળ રાખું
એવી સાચી મારી વાણી છે તારી આંખો કેમ ભીંજાણી છે...

રાધા ને રીજવ્યા ગોવિંદ નાથે
વાલા રાસ રમ્યા સૌ ની સાથે
એવી પ્રભુ ની પ્રીત પુરાણી છે તારી આંખો કેમ ભીંજાણી છે...

તું રાધા કેમ રીસાણી છે તારી આંખો કેમ ભીંજાણી છે...
તું મન માં કેમ મુંઝાણી છે તારી આંખો કેમ ભીંજાણી છે
તારા દિલ માં કેમ દુભાણી છે તારી આંખો કેમ ભીંજાણી છે...



#Vasantben
#કીર્તન
#Vasantben_Nimavat
#Gujarati_Kirtan
#Gujarati_Traditional_Kirtan
#Gujarati_Bhakti_Geet
#Satsang_Kirtan
#Bhajan_Kirtan
#વસંતબેન
#વસંતબેન_નિમાવત
#સત્સંગ
#ગુજરાતી_કીર્તન
#ભક્તિ_સંગીત
#Lilivav
#લીલીવાવ