Published On Jul 14, 2024
وديهم وديهم للحرب وديهم
هد بيهم هد بيهم عالعده هد بيهم
*
عندك صدك صحبان جربها بالميدان ربعك زلم شجان
ماكو مثلهم
وين الكلف والحار طلعولك الانصار ضل يلمع البتار
وفايه كلهم
خليهم خليهم للشدد خليهم
هد بيهم هد بيهم عالعده هد بيهم
***
حيهم حبيب يصيح واحنه سبكنه الريح كبلك نريد انطيح
بس آمر وكول
وكضت الشارب هاي الها معاني اهواي واحنه عرب مولاي
بينه الحجي يطول
خاويهم خاويهم هالعرب خاويهم
هد بيهم هد بيهم عالعده هد بيهم
****
بدمانه بايعناك بالشده ما عفناك يابو علي وياك
حلوه الشهاده
شفنه الحقيقه بيك جنه وركضنه عليك مو ابن مره الينطيك
عشنه بسعاده
تدريهم تدريهم بالوغه تدريهم
هد بيهم هد بيهم عالعده هد بيهم
*
عز الله هاي العين ترخص الك يحسين للحومه متحضرين
بس كلمه منك
والما اعوفك كال رجال ابن رجال عفنه الذهب والمال
ودافعنه عنك
يكفيهم يكفيهم هالفخر يكفيهم
هد بيهم هد بيهم عالعده هد بيهم
**
ربعك تضاهي الكون صح قله بس يسوون بالمعركه يكيفون
شدو عزمهم
صعدو ضهور الخيل وصاحو الحيل الحيل هبو اسباع الليل
رفرف علمهم
وصيهم وصيهم انته بس وصيهم
هد بيهم هد بيهم عالعده هد بيهم
****
صار الحجي للسيف ماتو برد بالصيف منهم اخذنه الحيف
بيك احنه نفخر
طاحت اكبار الروس دسنه عليهم دوس قدمنه خوش ادروس
وانته الها مصدر
نمحيهم نمحيهم بكربله نمحيهم
****
تمت
تحسين الخفاجي
