انتي امي انتي بويه انتي جدي وعيلتي
خطاب الامام الحسين مولاتنا زينب ع
حوار بين الامام الحسين والسيدة زينب
الوداع الوداع يا حبيبي حسين
الوداع
عتاب العقيلة لليل العاشر
تمني مولاتنا زينب ان يطول الليل
واحسيناه واعطشاناه واذبيحاه
الخطيب الشيخ حيدر المولى
يا ليل طوّل ساعاتك...يا ليل أحمل آهاتك
لو ودّعت الوليان...تتولاني العدوان

طول ياليل الوداع اشما تطول اوياك أساهر
ما أمل من البواجي حتى لو تعمه النواضر
احسين بس هاليلة يمي ما تشوفه اعيوني باجر
صدقني يا ليل القهر...يا ريتك اطّول دهر
خايفة من أشباح القدر...و أخاف أضل مكسوره خاطر
ياليل إرحم دلالي...ياليل ضاعت آمالي
آ يا دهري الخوان...تتولاني العدوان

آنه ياليل العقيله زينب المعروف خدري
طولي ماواحد الشافه اولاستر يوصل الستري
لجن ياليل اشبدية سلمت للقدر أمري
دمعاتي يبسن بالجفن...من يطر مصباح الحزن
بطفال وبعيله أمتحن...والله ماينحمل صبري
ياليل كافي اتروعني...ياليل صبحك يفجعني
لونزلوا للميدان تتولاني العدوان

والله خنقتني العبرة اشلون اوصف هالمسية
مثل سرب القطا طلعت للوداع الفاطمية
ريتك اتشاهد بناتك علي ياحامي الحمية
يندبهن احسين اسمعن...كلهم فرد فزعه افزعن
ويه الولي يتوادعن...هاي روحه ابلايه جية
نسوان ياهو اليحميهن...لوراح عنهن واليهن
يقبل داحي البيبان...تتولاني العدوان

كلمن اتعنت وليها تهل دمع الحزن يمه
وسكنه لحسين ابو اليمه راحت بلهفه تشمه
او ليله للأكبر ولدها هوت فوقه تصيح يُمه
او رمله وي جاسم جاعده...تظفر اجعوده اتناشده
ارحم دليل الوالده...وللصدر قامت تضمه
جاوين يوليدي الشمعه...جسام شو صارت دمعه
فقدك مو بالحسبان...تتولاني العدوان

آه ياحال الرباب الحنّت النوق البجيها
تعاين العبد الله طير الجنة نايم فوق اديها
يفز لو رادت ترضعه من يروح يدر ثديها
متهني ابنها ابنومته...خافت يفز لو رضعته
قامت تصد الرقبته...طاحت وفقدت وعيها
جاليش يبني يذبحونك...سباح قلبي ايقطعونك
جي قلت الهم عطشان...تتولاني العدوان

زينب العباس اخوها اتعنت اوقامت تنشده
خوية بيَّ اشلون باجر قلبي ياراعي الموده
ياكفيل الضعن ضعني للوطن ياهو اليرده
عباس انت اللي قلت...وياي قومي وأّمنت
يا الاخو وبيه اتكفلت...اشلون اوكع ابشده
عباس دقعد حاجيني...عباس وين تخليني
أختك ياعالي الشان...تتولاني العدوان
انتي امي انتي بويه انتي جدي وعيلتي
حلليني ياخليصه عمري وابري ذمتي
قعدي قبالي ياضنوة فاطمه ومهجة علي
خلي عيوني يازينب من عيونج تمتلي
بذكر ايام الطفوله وياج ياباقي هلي
وانتي شفتي السهم ياختي بكربلاء مار بجبدتي
تذكرين امنا البتوله والاضلاع مكسرهـ
وضربة المحراب وشسوت بهامه حيدرهـ
وجبد اخونا الحسن ياختي بالطشت متنثرهـ
وانتي شفتي الشمر ياختي بسيفه يقطع رقبتي
اعظم مصيبه يازينب من مسايل مدمعي
ماهو من ذبحة اخواني ولاهو ياختي بمصرعي
ماني متصور يازينب تدخلين على دعي
يشتم قبالج ابونا ويضل يهشم لثتي
انتي امي انتي بويه انتي جدي وعيلتي
حلليني ياخليصه عمري وابري ذمتي
عظم الله اجورنا واجوركم لمصاب اباعبد الله الحسين
#الشيخ_حيدر_المولى
#عظم_الله_اجورنا_واجوركم
#يا_ليل_طول_ساعاتك
#يا_زينب
#يا_حسين
#يا_زهراء
#يا_صاحب_الزمان
#الوداع