#كحك_ناعم#دايب_ناجح#
كحك العيد الرووعه
كحك العيد من الاخر
انجح طريقة لكحك العيد
المكونات
اهم من المكونات هى الملاحظات وهتعمليه ناجح كل مره
اولا نوع السمن كل ماكان جيد هيكون الكحك ناجح ومضبوط
ثانيا السمن البقرى الفلاحى او النيوزلندى هو افضل سمن للكحك
ثالثا السمن بارد ولا نسخنه ولا نقدحه لان السمن المقدوح كانوا بيعملوه زمان عشان كانوا بيعملوا كميات كبيره جدا وكانوا بيخافوا يبوظ وريحته تغير وده معتقد خاطئ
رابعا بعمل الكحك بالسمن البارد وبيقعد سنه كامله بنفس الطعم والريحه
خامسا الكحك لا يضاف له خميره لان الخميره ريحتها نفاذه وبتغطى على ريحه السمن
سادسا الكحك لا يضاف له سمسم لان السمسم بيغير طعمه
كمان ضيفى ملعقة دقيق بسبوسه (سمولينا) وفايدته بيخلى الكحك ميلزقش فى الزور والطعم رووعه
سابعا عمليه بس الكحك مهمه جدا لا تقل عن ربع ساعه
ثامنا التسويه على الرف الاوسط فى فرن ساخن حراره ١٨٠ والكحك مبياخدش لون من فوق خليه فاتح ودهبى من تحت
تاسعا السكر البودره يضاف بعد ما الكحك يبرد
المقادير
كيلو دقيق عادى
٦٠٠ جرام من السمن
كيس بيكنج بودر ٢٣ جرام
كوب الا ربع لبن
ثلاثه ملاعق كبيرة من السكر البودرة
ملعقة كبيرة من دقيق البسبوسه
ربع ملعقه صغيره من ريحه الكحك
تمن ملعقة صغيرة من خل الملح