Андан генералдар да корккон!
ШЕЙХ ШАМИЛ - АЗАТТЫК ҮЧҮН 25 ЖЫЛДЫК ӨМҮРҮН АРНАГАН БААТЫР
Ал өлгөндөн кийин денесин жууган киши ушундай дейт: “Анын денесинен кылычтын соккусунан улам пайда болгон 125 жараатты эсептедим”
Бул улуу инсан ким эле? Ал – Кавказ элдеринин башын бириктирип, чейрек кылым көз карансыздыгы үчүн эӊ күчтүү империялардын бири болгон Орусия менен күрөшкөн имам Шамил – “Кавказдын бүркүтү”. Ооба, байкаганыңыздай бүгүн улуу шейх Шамил тууралуу сөз кылабыз!
Кавказ элинин улуттук баатыры, Түндүк Кавказ имаматынын жетекчиси бүтүндөй мусулман ааламынын жаркын жылдызы, дүйнөгө таанымал имам, колбашчы, дипломат, башкаруучу, эли үчүн жан аябаган, ар дайым шейит болууга даяр болгон шейх Шамил тууралуу кеп башынан болсун!