انا هالزمان مهون عن هـوى فطـوم
سمح خاطري مابي عيونـي تخايلهـا
( لا ياقلب بنت الناس ماني بها ملـزوم
ولا هيب من نجعي ولا مـن قبايلهـا )
اناشف بالي جـادل جنسهـا معـدوم
تنثر علـى حـد الردايـف جدايلهـا
مداهيلها نجد العذية سهـل وحـزوم
هضاب المـدارة كـل عصرٍ تـظللها
طمعها براسي ماتبي اللي يعبي نـوم
نظيف المقاطـع كـل يـوم يغسلهـا
ْينام الضحى والليل يسري به الجاثوم
يشجع هل السمره ويصبـح مقابلهـا
وانا فوق وارد بون حالي كما المسقوم
على رقمـي النجـدة تكلـم بناتلها
الي جيت عند الضابط اللي عليه نجوم
تعذرت منه وهرجة الصـدق يقبلهـا
اودي علوم للنشامـا واجيـب علـوم
وشنق هضبة الجولان فالحرب واصلها
الا ياوجودي وجد من جودوه الـروم
ضعيف توامـا فـي يدينـه صناقلهـا
والا ياوجودى وجد من صوبوه القوم
ضرب ركبته مخباط مـاص محولهـا
قعد والطيور الجايعة يدرجن الحـوم
وشهب الذيابة تسحبه فـي مداحلهـا

كلمات الشاعر محمد سليمان المحسن ( الدرم)رحمه الله