主持：何良懋
嘉賓：Mr T
首播：2024/10/02(周三)，香港10pm，溫哥華及美西7am PDT、多倫多及美東10am EDT

中共最近暴力救市所玩出各種花樣，會否純屬迴光返照？尤其大陸A股向來係政策市，政府永遠做緊大莊家全面話事，球員、球證、裁判都由中共的權貴做曬。

北京的中國人民銀行9月27日宣布，下調金融機構存款準備金率0.5%，公布後，中港兩地股市急升，香港恆生指數由9月23日以18,247點收市，大漲至9月30日以21,133點收市，累計急升超過2,800點。這5天港股累計成交額，達到1萬7千500億港元。

大陸祭出狂飆式all-in救市措施，煽惑全民炒股風氣，也反映了領導人對崩塌中經濟數據的極度恐慌心理，決定下猛藥「搶救」。

可是，向著奄奄一息的病人餵食偉哥，恐怕依然無心無力了。

大家看看恆生指數成分股共82隻，其中只得21隻是香港公司。9月底大陸股民狂歡，可港交所16間公司在此期間股價均報跌，由長實集團（1113）34.2港元（下同）跌0.146%，至恆基地產（12）24.8元（5日低價）跌3.5%，幾乎全線報跌；只有香港交易所326.2元（52周高），升5.7%，因與成交量掛鈎。港股近牌嘅升勢，只反映大陸公司在香港上市的股票，卻未能反映香港目下經濟狀況。

上海同深圳股市，同樣受到所謂救市政策影響，指數狂升，（滬深）A股的三大指數暴升逾11%，漲停板。中共刻意谷大股市各項數據表現，相信旨在引全國韭菜存戶攞出在銀行嘅160萬億人仔存款入市，方便各路權貴集團大割韭菜後，飽食遠颺！音樂椅遊戲一旦停了，就活像潮退後誰人沒穿褲子那般光景！預料不少小股民輸到眼突，欲哭無淚。

為乜老共要炒起股市，而對樓市反而一籌莫展？皆因股市係流動資產，做買賣易如反掌；樓市就唔同，買入容易沽售難，且要炒起樓市所需資金極龐大。最近所謂救市政策的兩萬億人民幣猶如杯水車薪，疑似習政權做定一個局俾散戶踩落去！或者好似黃霑生前響《不文集》所作比喻吧：on 9與笨柒！股市on 9的意思係：容易被炒到係又起、唔係又起；形容D地產勁似笨柒：炒極都唔起！

中共呢次政策市，表面真係極具吸引力，市傳不少外資正在重投A股。即使係咁，呢個現象維持得幾耐？外資會否一齊托高股市，從中獲利同派發自己之前手上嘅蟹貨，導致散戶一地雞毛？值得心郁郁的股民細意思考，小心勿被中共這趟股海狂潮吞噬！

受訪嘉賓Mr T曾在香港銀行界工作多年，現在接受廣傳媒何良懋採訪，透露金融圈秘聞和黑幕，冀助大家了解更多事實，知道香港財金行業淪陷內情。



#廣傳媒 #何良懋 #金融圈秘聞 #香港 #金融中心遺址 #中共 #暴力救市 #狂飆式all-in #向病危者餵偉哥 #煽惑散戶 #瘋癲入市 #習近平 #最後一搏 #藥石亂投 #全民炒股 #散戶高危 #外資重返 #熱錢短炒 #飽食遠颺 #權貴套現 #一地雞毛 #港股虛火