Ağaxan Abdullayev- Nadan nə bilir esq-i məhəbbət nə deməkdir

Əliağa Bakir "BİLMƏZ" qəzəli
Könlüm o güllün vəslinə nə üçün çata bilməz ?
Hicranın əlindən gecə - gündüz yata bilməz.
Sevdayi məhəbbətdə ki, məhşuri cahanəm
Çox sadədir bu könlüm evi, heç xata bilməz.
Nadan nə bilir eşqi - məhəbbət nə deməkdir!?
Heç vaxtı kömürçü, ləli - gövhər sata bilməz.
Insanda nəcabətlə onun əsli gərəkdir
Ayran nə qədər qalsa da qaymaq tuta bilməz.
Hər kəsdən uzaqlaşmaq olar, nanəcib olsa
Övlad ola fərsiz, onu insan ata bilməz.
Daim anadan gəlmə şirin olmalıdır dil
Gəl olsa acı, heç kəs ona qənd qata bilməz.
Bakir elə bir dürr yarat, xalq səni sevsin
Xalq sevsə sənətkarı, ona dağ bata bilməz.

Allah hər iki sənətkara rəhmət eləsin.


#agaxanabdullayev #ağaxanabdullayev #muğam #mugam #nadannebiliresqiməhəbbətnədeməkdir
#nadannebilir #nadan_ne_bilir_tam_versiya