སློབ་དཔོན་གསར་ཐོན་མཛད་སྒོ་སྐབས་ལྔ་པ།

དེ་རིང་ སྤྱི་ལོ་ ༢༠༢༤ ཟླ་བ་ ༣ པའི་ཚེས་ ༡༧ ཉིན། རིགས་ཀུན་ཁྱབ་བདག་ ༸སྐྱབས་རྗེ་རྡོ་རྗེ་འཆང་གི་ཡང་སྲིད་མཆོག་སྤྲུལ་རིན་པོ་ཆེ་དང་། མང་ཐོས་གནས་བརྟེན་འདུལ་བ་འཛིན་པ་ཆེན་པོ་ ༸སྐྱབས་རྗེ་མཁན་ཆེན་རིན་པོ་ཆེ་མཆོག་དང་། བཤད་གྲྭའི་ངེས་སྟོན་པ་ཆེན་པོ། མཁན་སྤྲུལ་སློབ་དཔོན་རྣམ་པ། གཞན་ཡང་རང་གདན་མི་རིགས་འབོ་དཀར་ངེས་དོན་ཆོས་འཁོར་གླིང་དང་། བསོད་ནམས་དར། རང་རེའི་བཙུན་དགོན་སོགས་ནས་ཕེབས་པའི་མཁན་པོ་དང་སྐུ་ཚབ་ལས་བྱེད་རྣམ་པ། བཤད་གྲྭའི་སློབ་གཉེར་བ་ཡོངས་དང་། སློབ་དཔོན་གསར་པ་ཚོའི་ཉེ་འབྲེལ་ཕ་མ་སྤུན་མཆེད་བཅས་ལྷན་ཅིག་དུ་འཛོམས་པའི་དཀྱིལ་འཁོར་དུ་སློབ་དཔོན་མཛད་སྒོ་སྐབས་ལྔ་པ་འཚོགས་གནང་གིས། ༸སྐྱབས་རྗེ་རྣམ་གཉིས་ཀྱིས་མགུལ་དར་གསོལ་རས་དང་བཀའ་རབ་འབྱམས་པའི་ཕྱག་འཁྱེར་བསྩལ་གནང་། གཞན་ཡང་སློབ་དཔོན་གསར་པ་རྣམས་ལ་འཚམས་འདྲི་དང་སྦྲགས་ཏེ་ལོ་ངོ་བཅུ་གསུམ་ཙམ་དུ་སློབ་གཉེར་བགྱིས་ཏེ་སློབ་ཐོན་བྱུང་བ་ནི་ཧ་ཅང་གི་དགའ་འོས་ཤིང་ངོ་མཚར་ཆེ་ཚུལ། ད་དུང་མུ་མཐུད་དགོན་པ་རང་ལ་བཞུགས་ནས་སྔགས་ཀྱི་སློབ་གཉེར་དང་། འཛིན་གྲྭ་འོག་མ་ལ་རང་གི་བློ་དང་འཚམས་པའི་དཔེ་ཁྲིད་གནང་རྒྱུ་གལ་ཆེན་ཡིན་ཚུལ་སོགས་རང་གཞན་ཀུན་ལ་ཕན་པའི་བཀའ་སློབ་ཟབ་རྒྱས་བསྩལ་གནང་སོང་།

5th Batch lopons ceremony.

Today new lopons ceremony was held in the presence of kyabje Bokar Rinpoche's reincarnation kyabje Bokar Choktrul Rinpoche and vinaya holder kyabje khenchen Rinpoche, principal sir, khenpos, tulkus and lopons. Some dignitaries, khenpos, lamas and staff also came in the ceremony from mirik monastery, sonada monastery and from our nunnery, new lopons parents and reletives were also present in the ceremony. Both Rinpoches gave master degree certificate to all the new lopons, rinpoches were also very pleased to see them completing their studies of thirteen years and Rinpoche advised them to continue their tantra study and told them to teach their junior classes and to do always good.