Published On May 30, 2020
لايك واشتركوا بالقناة وفعل الجرس
تصميم جنون
حسابي في الانستقرام
/ jnon
قناتي في التلقرام
https://t.me/Jnon8
عبدالله بن علوش :
على حسب مامرني ومن تجارب الأولين
وجهة نظر ويجوز فيها الاتفاق والإنقسام
اترك مسافه كافيه بينك وبين الآخرين
بعض البشر ودك حدودالمعرفه معهم سلام
واصمت ولا تحرص على كثر الكلام
اللي سكوته ساتره يمكن يعرّيه الكلام
واذا تكلمت احذر تكون اكثر المتكلمين
السالفه لا طولت يضعف معها الاهتمام!
وامزح ومزحٍ باللسان اخير من مزح اليدين
مزح الرجال العاقله على حدود الاحترام
واضحك ولاتضحك برفع الصوت رفع الصوت شين
من الأدب والذوق عند الضحك ضحكٍ بإبتسام
وأكرم وبيبان الكرم واحد ولا يحتاج دين
وترى الرجال اكرامها ماهوب في كثر الطعام
واحلم ولا تغضب ولا تعجل ولا تشري بدين
وشاور ولو رايك معك لا شرت عداك الملام
ترى التغافل فيه لذة وانشد المتغافلين
ولا جات كلمة ارجع اطلقها مع سرب الحمام
وارضى اذا جاك الرضى لو العذر ماهو سمين
ترى التسامح ميزة السادة رفيعين المقام
ولا تتواضع في حضور العالم المتكبرين
تعامل معهم بنفس الطريقة معهم ونفس النظام
واخلاقك وتواضعك عامل بها المتواضعين
ونصف الادب مجاملة جامل ولا تجامل لئام
صادق واذا صادقت ماجربت ماصادقت لين
اما يطول بك السهر والا يطيب لك المنام
واصدق مع نفسك وتلقى نفسك من الصادقين
والنفس خيل ابلس لا تعطيه نفسـك وَ اللجام
وليا نصحت أنصح خفى لا تفضحه فالحاضرين
ترى الرجال يقودها لين الحكي قود الخطام
وإذا تسولف عن طموحاتك مع المتفرغين
كنك تسولف للنصارى فالحلال وفالحرام
والعمر ماهو فرصةٍ وحده وَ لاهـو بفرصتين
مع كل مطلع شمس لك فرصه وَ خطوه للأمـام
