Hi teman teman, ini lagu lama dari kaka-kaka “Balobe Style” yang tong dua cover akan. Semoga kam suka dan selamat mendengarkan!

Artists: -Brayo’OG (IG: @yosepohodo)
-YauwMepha (IG: @yauw__mepha)
Creative team: Joshua Wetipo ( IG: @joshua_wetipo)

Credit: lagu aslinya itu yg menyanyi Kaka-kaka “Balobe style”. Sa coba cari lagu nya di YouTube tapi tra ketemu jadi TRA BISA TARU LINK Buat lagu aslinya. Jadi kalo teman-teman tau link nya nanti komen supaya Sa bisa kasih taru di description sini.

________________________________________

~Lyrics~


Verse:

Enggo-Enggo Buyakha
(Enggo-Enggo Sentani)

Ware mo khena khoyale
(Sa cuma suka Ko saja)

Na rene yemphonde hure
(Dari pagi sampe malam)

Wa ubene mo hayeyale
(Sa cuma pikir-pikir Ko saja)


Chorus:

Cuma enggo yang kaka cintai
Cuma enggo yang kaka sayangi
Cuma enggo yang ada di hati
Cuma enggo, cuma enggo Sentani


Rap (YauwMepha):

Enggo enggo sentani
Kamu kamu yg paling
Menawang Sa puh hati
Dari Doyo Sampai yoboi

Yoi foi mepha bilang woi
Enggo balik pas senyum panis sekali
Sa suh tau tuhan puh mau enggo kemari
Trda kata mati rasa sa puh hari tampah koi
Minta nomor juga ig kalau bisa nanti sama sama makan papeda deng hiloy

Rap (Brayo’OG):

Enggo sentani kaka cinta sekali
Cantik boh hitam manis tarada lawan kam asli
Dalam kaka pu hati kam yg pegang kendali
Tetap cantik walaupun su di pandang berkali kali

Pagi sampe malam, malam sampe tida subuh
Cuma pikir enggo sa pu rindu menggebu gebu
Enggo pu senyum jadi terapi karna bikin candu
Sapa mo helpe ni rindu tra bisa di pandu


Verse:

Enggo-Enggo Buyakha
(Enggo-Enggo Sentani)

Ware mo khena khoyale
(Sa cuma suka Ko saja)

Na rene yemphonde hure
(Dari pagi sampe malam)

Wa ubene mo hayeyale
(Sa cuma pikir-pikir Ko saja)


Chorus:

Cuma enggo yang kaka cintai
Cuma enggo yang kaka sayangi
Cuma enggo yang ada di hati
Cuma enggo, cuma enggo Sentani

Cuma enggo yang kaka cintai
Cuma enggo yang kaka sayangi
Cuma enggo yang ada di hati
Cuma enggo,
Cuma enggo Sentani.. (3X)

________________________________________

Trimakasih su dengar tong pu lagu. GBU kam semua😊