شي بقلبي واهجه مستمري
لولا ازرق الدخان يطفي لهيبه
سلط على الدخان لوهو مضري
له حزه عند احتكام المصيبه
وانا الذي مبدي على الناس سري
من خوف سودان الوجيه تحكيبه
اصبر على ضيم الدهر والتعري
من شان من يرضى علي الغليبه
وابعد مجالي عن عيال التزري
من لا هوى قلبي دواه المغيبه
اخاف لي من مجلس ما يذري
في جانبه بوم حساسه صليبه
سـوالف(ن) ما بين تجحد تقري
يجرح فوادي عيه وابتليبه
والله خلق بالكون ثلثين بري
يكفن عن ثلث البحر ويش ليبه
اليا نويت الدرب مانيب اطري
امس للفرجه حبال النجيبه
واقطع تهاتيت الخلا بالتجري
واللي يجيبه والي امري يجيبه
يرضيني المقسوم خير(ن) وشري
سبحان من لا تعلم الناس غيبه
احد على ربعه يحب بالتحري
للشر بلاس وخيره بجيبه