Twi mei bang bep ka hinkho. Lyric & Tune: (L) S. Sehminthang Singson. Artist: Thangkhopao Singson.

Twi-mei bang-bep ka-hinkho,
Leiset nop sah na’in ,
Phat hoilai kana mang tai;
Hinla Pakaiyin eikou vin,
“Lamvai nang hung kilen eiti”

Ka hin’a hi abonchan;
Nangin lan lang Pakai,
Nei mangchan na-na tong din;
Hinkho chomcha ka-nei sung hi,
Na kin bolnan hin mang tang’e.

Aw ka Pakai nei kouna aw kajai,
Chonse na-cha’n, nang kom kahin bel’e;
Nei ngaidam’in ka-setna ho;
Ken na-nung hin jui jing tang’e.

Ka-dam sung ni chom-cha hi,
Lhep nan ei-tom jing jongle;
Nang’in nei ching jing jeng’in
Na- lenggam ka-lhun kah sen;
Pakai nei umpi jing jeng’in

Ka-lei hinkho man ding dan,
Ka-het them thei na din;
Pakai nei lhonpi loule;
Nang kom’a hung lhung jou pong’e
Nang’in neipui le jing jeng’in.