________________________
اوبريت في عتق سجناء يـام

كلمات الشعراء
محمد ال عمره - علي الدعيه -
فارس الحشار - سليمان بن ساقه -
ناصر بن مجحود - شبيب بن شبنان
راشد بن سالمين -فلاح ال مخلص

اداء المنشدين
حمد الطويل - جفران بن هضبان - سالم ال سالم

الكلمات :

يام يايام العريقه ياربعي والهمام
للثقال اثقال ربعي اتحكم اوصالها

من يشوف افعال ربعي يردد ياسلام
والله انا فوق هقواتها وامالها

محمد ال عمره ^

لابتلينا بالبلاوي نضيم ولا نضام
ندفع كبار البلاوي وحن سلالها

لاغدى للفعل فرصه وللحظ انعدام
للمواقف يام جهالها عقالها

راشد ال سالمين ^

علي الدعيه :

عز يايام العريقه مفرقة الزحام
عين تفرحها وعينً تخل خلالها

يخلق الله العرب للصلاه وللصيام
والصعايب يام مايخلقون الا لها

السما الزرقا مصابيحها فوق الانام
والبحر والارض صبيان يام جبالها

امس يوم ان الديه بالكمال وبالتمام
يفرقون السوم في مثل ذي وامثالها

----------------------

فارس الحشار :

من نشد من دولة العز دولة يام يام
علموه ان القبيله يسرك حالها

يعتقون رقاب الاجناب عامٍ بعد عام
كيف لامن عود الطق عند عيالها

كل مارزت على صحصح البيد الخيام
عاودت يام الحمايا على موالها

ماخلقنا غير للطيب وكبار المهام
لابتن تو القبايل تعد افعالها

-------------------------

سليمان بن ساقه :

دولةٍ من طيب وقفاتها نالت وسام
واعتلت روس النوايف بفعل ارجالها

فزعة المحتاج فى حرب والا في سلام
والليالي لو بلتنا مهو ب اشوى لها

ان وقفنا كلنا مانعرف نشق خام
مانشق الا جموعٍ يظل اظلالها

وان شهرنا اللي يقص العظام امن العظام
شفت بنت اخوان شما تطلوح شالها
------------------------

شبيب بن شبنان :

سترها يوم الرياجيل تفتك الجهام
فعلنا يشرح نبانا ويشرح بالها

اقبلو ياصلب جدي على زين المقام
هذي جيّـان المراجل وذيك اطوالها

ابتدا وقت الفعايل ماهو وقت الكلام
وقفةٍ يحكى بـ أهلها ويمدح فالها

بشرو (جارالله) إنّـا عجب عين المظام
وعلمو (محمد) يد العز فك اعقالها

وبشرو عبدالله المري إنّه في سلام
يزهل احموله ظنا يام جت تشتالها
----------------------

ناصر بن مجحود

احتموهم يام ربعي مقابيس الظلام
افتدت روس النشاما بروس اموالها

حقنا من دورة الكيف الى فرخ السنام
ما لصعبات المواقيف غير ابطالها

اعتلت هاماتنا لين عدينا الغمام
والضعيف يموت والطايلها ماطالها

يرتكي للحمل رجال من يام الحلام
وكل يام تقول حنا لها حنا لها

----------------------

فلاح ال مخلص

خيّل الضيقا الوعيلي لما ثار العسام
قلطوني ، ،للحمول الثقال اشتالها
،
ابشروبي ساعة الضيق يا دولات يام
دلّة الناموس ، عدو علي فنجالها
،
من يصد من المواجيب يغشاه الملام
العزوم خيول ، والخيل من خيالها
،
بيض الله وجيه يامٍ قبل مسك الختام
حققو الامجاد من جالها لا جالها