🏠 27 სექტემბერს, 17 საათზე "კავკასიურ სახლს" სპეციალური სტუმარი ეწვია.
სახალხო უნივერსიტეტში ლექციის წასაკითხად თბილისში საგანგებოდ ჩამოვიდა ცნობილი აზერბაიჯანელი მეცნიერი, პროფესორი სანუბარ ბაგიროვა 🇦🇿

🔸 ქ-ნი ბაგიროვა აზერბაიჯანის მეცნიერებათა აკადემიის ხელოვნებისა და არქიტექტურის ინსტიტუტის წამყვანი მეცნიერ-თანამშრომელია. ფლობს ხელოვნებათმცოდნეობის დოქტორის ხარიხსს მუსიკის კვლევების მიმართულებით. მიიჩნევა აზერბაიჯანული ტრადიციული მუსიკის, აშუღური კულტურისა და მუღამის მოწინავე მკვლევრად.

🔸 აზერბაიჯანის რესპუბლიკის ხელოვნების დამსახურებულ მუშაკს გამოცემული აქვს ასზე მეტი პუბლიკაცია, წაუკითხავს ლექციები მსოფლიოს სხვადასხვა კუთხეში (აშშ, გაერთიანებული სამეფო, საფრანგეთი, იტალია, რუსეთი, ჩინეთი). გახლავთ იუნესკოს ექსპერტი არამატერიალური კულტურული მემკვიდრეობის შესწავლის დარგში.

🔸 ბაგიროვას ლექციის თემა იყო: "მე-20 საუკუნის აზერბაიჯანული მუსიკა: მუღამის ოპერებიდან აზერბაიჯანულ ჯაზამდე".

🤝 აზერბაიჯანელი სტუმრის მოწვევა შესაძლებელი გახდა ახალგაზრდულ ცენტრ "ალიანსის" მხარდაჭერით.

🔸 XX əsr #Azərbaycan musiqisi: #muğam operalarından Azərbaycan cazına qədər - professor Sənubər #Bağırovanın məruzəsi