بيبدأ الفيلم بواحد اسمه (تشيرو) كان ماشي في حي في (بوينس آريس)، (تشيرو) كان بلطجي ولما شاف عربية عجبته، اقتحمها سرق الكاسيت بتاعها، ولقى فيها نضارة شمس ريي بان، وسرقها، (تشيرو) كان سرق اللي هو عايزه وبيفتح الباب عشان يطلع بره العربية بس الباب مابيفتحش، بيحاول يفتح باقي الأبواب بس مبيتفتحوش، بينط على الكنبة اللي ورا وبيحاول يكسر إزاز العربية اللي ورا، بس مبيعرفش يكسره، بيجرب يكسر بقية شبابيك العربية بس مبيعرفش، بس مبيستسلمش، بيفك الجزء اللي جوه العربية من الباب، وبيدخّل إيديه عشان يفتح المقبض من جوه، بس مبيعرفش وإيديه بتتعوّر وبتنزف، وباب العربية مكانش بيفتح، بعد كل محاولاته الفاشلة، (تشيرو) بيطلّع مسدسه وبيضرب نار على الشباك الأمامي للعربية، بس الطلقة بتخبط في الإزاز وبترد لرجله، (تشيرو) بيصرخ من كتر الألم، وبينزف بغزارة، بيقلع التيشيرت بتاعه، وبيربطه حوالين الجرح، الأول (تشيرو) كان بيحاول مايظهرش من إزاز العربية، بس بعد ما الطلقة صابته في رجله، كان بيحاول يلفت انتباه أي حد بره العربية عشان يطلّعه منها حتى لو كان ده معناه إنه هيتقبض عليه وهيروح السجن.

لو عجبك الفيلم ادعمنا بلايك ومتنساش تشترك في القناه وتقولنا رايك في الفيلم في الكومنتات