ગુજરાતના વલસાડ જિલ્લાની 9 વર્ષીય રિયા મિસ્ત્રીને ગંભીર માથાનો દુખાવો અને ઉલ્ટી થતાં તેને સ્થાનિક હોસ્પિટલમાં દાખલ કરવામાં આવી હતી. જેમ જેમ તેની સ્થિતિ બગડતી ગઈ, તેને પ્રથમ લોટસ હોસ્પિટલ અને પછી વિશિષ્ટ સારવાર માટે સુરતની કિરણ હોસ્પિટલમાં સારવાર અર્થે ખસેડવામાં આવી.

રિયા મિસ્ત્રીને ભારે બ્રેઇન હેમરેજ થયું, જેના કારણે તેની તબિયત ઝડપી રીતે ખરાબ થતાં 16 સપ્ટેમ્બર, 2024 ના રોજ તેને બ્રેઇન-ડેડ જાહેર કરવામાં આવી.

આ ક્ષણ એમના માતા-પિતા, તૃષ્ણા અને બોબી મિસ્ત્રી માટે અસહ્ય હતી. ડૉ. ઉષાબેન મૈશેરી, જે સ્ત્રી રોગ નિષ્ણાંત અને રિયા ની દત્તક માતા પણ છે, તેમણે રિયા ને જન્મ આપનાર માતા-પિતાને અંગદાન માટે પ્રેરિત કર્યા. આ નિર્ણયની મહત્વતા સમજતા રિયાના માતા-પિતાએ તમામ યોગ્ય અંગો દાન કરવાની સહમતી દર્શાવી.

રિયાની એક કિડની કિરણ હોસ્પિટલમાં નવસારીના 13 વર્ષના એક બાળકમાં ટ્રાન્સપ્લાન્ટ કરવામાં આવી. બીજી કિડની અને લિવર અમદાવાદની IKDRC માં મોકલવામાં આવી. રિયાના ફેફસાને ગ્રીન કોરિડોર દ્વારા હૈદરાબાદના KIMS હોસ્પિટલમાં મોકલવામાં આવ્યા, જ્યાં તે તમિલનાડુની 13 વર્ષીય છોકરીમાં ટ્રાન્સપ્લાન્ટ કરવામાં આવ્યા.

રિયાના હાથોનું દાન મુંબઈની ગ્લોબલ હોસ્પિટલમાં 15 વર્ષીય કિશોરીમાં કરવામાં આવ્યું, જે ભારતીય ઇતિહાસમાં સૌથી નાની ઉંમરના હાથ દાન અને ટ્રાન્સપ્લાન્ટનો કેસ બન્યો. આ અત્યંત ખાસ કિસ્સો હતો, કારણ કે પ્રાપ્તકર્તાએ બે વર્ષ પહેલા વીજ શોકને કારણે હાથ ગુમાવ્યા હતા.

રિયાની આંખોનું દાન કિરણ હોસ્પિટલ, સુરતમાં કરવામાં આવ્યું, જ્યાં તે અન્ય કોઈની દ્રષ્ટિ ફરી મેળવે તે માટે ઉપયોગમાં આવશે.

રિયાના અંગો ઝડપથી સ્થળાંતર કરવા માટે, સુરત પોલીસ દ્વારા પાંચ ગ્રીન કોરિડોરની રચના કરવામાં આવી, જેમાં ગણેશ વિસર્જનના દિવસે જે પરિસ્થિતિઓ હતી તેવા પડકારોને પાર કરીને માનવસેવાના આ કાર્યો સફળ બનાવવામાં આવ્યા. મુંબઈ, હૈદરાબાદ અને અમદાવાદ જેવા વિવિધ શહેરોમાં અંગો પહોંચાડવા માટે કોરિડોરનું ખાસ આયોજન કરવામાં આવ્યું.

રિયા મિસ્ત્રીનો વારસો તેને કારણે બચાવાયેલા લોકોના જીવનમાં જીવંત રહેશે, અને તેનો આ કિસ્સો ભારતના અંગદાનના ઇતિહાસમાં એક મહત્વપૂર્ણ ઘટના તરીકે ઉભરી આવ્યો છે.

અંગદાન...જીવનદાન...

અંગદાનની શપથ લેવા માટે આજે જ 9081812047 આ નંબર પર કોલ કરો.

ડોનેટ લાઈફની વધુ માહિતી મેળવવા માટે નીચેની લીંક ઉપર ક્લિક કરો- https://www.donatelife.org.in/

#DonateLife #StayInformed #DonateOrgan #OrganDonation #LifeSaver #SottoGujarat #NOTTO #nileshmandlewala #MansukhMandviya #RushikeshPatel #PMOIndia #cmogujarat #LiverDonation #KidneyDonation #EyeDonation #Greencorridor #ShareYourSpare #OrganTransplant #RegisterAsADonor #અંગદાનમહાદાન #અંગદાનજીવનદાન #MoHFWGUJARAT #MoHFWINDIA #Surat #Gujarat #india #givehope