Муьлххачу а къоман а шен ненан мотт бу. Мотт боцуш дац цхьа а къам. Иштта, меттанаш Iалашдарна тIедоьгIна йерриге а Россин пачхьалкхехь кхоьллина "Яндекс переводчик" (Яндекс гочдарш) йу. Нохчийн Республикехь а йу цу декъехь вовшахтоьхна йоккха тоба, шена чохь шортта зеделла Iилманчаш а, йаздархой а, хьехархой а, журналисташ а болуш. И проект шен семачу Iалашонехь латтош ву вайн Мехк-Да Нохчийн Республикин Куьйгалхо, Россин Турпалхо Кадыров Ахьмад-Хьаьжин Рамзан. Иштта цу проектан куьйгаллехь ву, Нохчийн Республикин дешаран а, Iилманан а министр Дааев Буарин Хож-Бауди а, Нохчийн меттан институтан директор Овхадов Рукъманан Муса а.
Тахана 2023-чу шеран эсаран беттан 12-чу дийнахь "Яндекс переводчик" тоба вовшахкхийтира, цу центран куьйгалхо Хизиран йоI Эльдерханова Зайнап коьртехь а йолуш, Нохчийн меттан институтехь. Дийцаре дира чолхе хаттарш. Царна оьшу говза жоьпаш а карийра. Низаман тIегIа кхин а лакхаделира. Вовшахкхетар тIаьххьара а дац.
БIаьста заза санна, цу зазашлахь зезагаш санна кхуьийла вайн Нохчийн мотт!