Published On Jul 5, 2024
Khit Thit သတင်းဌာန၏ ဇူလိုင် ၆ ရက် နေ့လယ်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဇူလိုင် ၆ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
- အကြမ်းဖက် စစ်ကောင်စီက ၃ နှစ်ကျော်ကြာတဲ့အထိ ဖရဲသီးနှိမ်နင်းရေး စီမံချက် မအောင်မြင်တဲ့ အတွက် လုံခြုံရေးဆိုင်ရာ လျှို့ဝှက်ချက် ပေါက်ကြားအောင် ပြုလုပ်နေတဲ့သူတွေကို စုံစမ်းဖော်ထုတ် အရေးယူရမယ်ဆိုပြီး အကြမ်းဖက် မင်းအောင်လှိုင်က အမိန့်ထပ် ပေးနေပြန်တယ်လို့ နေပြည်တော် စစ်ဘက် သတင်းရင်းမြစ်က ရန်ကုန်ခေတ်သစ်ကို ပြောပါတယ်။
- အကြမ်းဖက်စစ်ကောင်စီက ကျင်းပဖို့ ကြွေးကြော်နေတဲ့ ၂၀၂၅ ရွေးကောက်ပွဲဟာ လူထုဆန္ဒကို အခြေမခံတဲ့အတွက် နိုင်ငံရေးပါတီတွေ အနေနဲ့ ခပ်ဝေးဝေးရှောင်ကြဖို့ KNU ဗဟိုအလုပ်အမှုဆောင် ပဒိုစောတောနီးက ရန်ကုန်ခေတ်သစ်နဲ့ သီးသန့်တွေ့ဆုံခန်းမှာ ပြောသွားပါတယ်။
- ရန်ကုန်မြို့ က သာကေတမြို့နယ်မှာ ဝမ်းပျက်ဝမ်းလျှောရောဂါ ကူးစက်မှုတွေ ဖြစ်ပွားနေပြီး ၊ လူသေဆုံးမှု တချို့ပါ ရှိလာပေမယ့် စစ်ကောင်စီက သတင်း အမှောင်ချ ဖုံးထားသလို ၊ သာကေမှာ လမ်းဘေး အစားအသောက်ဆိုင် နဲ့ စျေးဆိုင်တွေ အားလုံး ဇူလိုင်လ ၁၂ ရက်နေ့ အထိ ပိတ်ထားဖို့ စစ်တပ်က ကြေညာထားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
