Published On Jul 29, 2022
દેવોએ છેતર્યા રે ભોળાનાથ તમને..
ભાંગ માં ભોળવાવ્યા રે...ભોળાનાથ તમને
વૈકુંઠ હતું તે વિષ્ણુ એ લીધું,
બ્રહ્માંડ હતું તે બ્રહ્મા એ લીધું,
ઊંચા ઊંચા ડુંગરા રે...ભોળાનાથ તમને
કંકુ કેસર તો વિષ્ણુ એ લીધા,
ચંદન હતા તે બ્રહ્મા એ લીધા,
ભસ્મ ના ગોળા રે...ભોળાનાથ તમને
વૈજન્તી માળા વિષ્ણુએ લીધી,
મોતીની માળા બ્રહ્માએ લીધી,
સાપના ગૂંચળા રે...ભોળાનાથ તમને
ગરૂડ હતું તે વિષ્ણુએ લીધું,
કમળ હતું તે બ્રહ્મા એ લીધું,
રખડતો નંદી રે...ભોળાનાથ તમને
ગુલાબ હતું તે વિષ્ણુ એ લીધું,
મોગરાના ફૂલ બ્રહ્માએ લીધા,
આંકડો ધતૂરો રે...ભોળાનાથ તમને
પીળા પીતાંબર વિષ્ણુએ લીધા,
જરકસી જામાં બ્રહ્માએ લીધા,
વાઘના ચામડા રે...ભોળાનાથ તમને
નારદ જેવા સાથી વિષ્ણુએ લીધા,
ઇન્દ્ર જેવા સાથી બ્રહ્માએ લીધા,
ભૂત પિશાચ રે...ભોળાનાથ તમને
નથી ભોળવાયો હું તો નથી છેતરાયો,
હું તો મોટા મનનો રે ભોળાનાથ કહેવાયા...