Kumin (2023) chu 'Lalpa'n hla min pekte a buin siam ve teh ang' tih hi ka rilruah a awm ve tlat si a; ka buaipui ve malh malh a. Nikhat chu ka nupui office kal tur insiam laiin computerah hla ka lo chhu a. Ka nupui hnenah chuan, 'Lalpa'n ram ngaih hla min pekte hi heti hian a awm mai mai a a mak ngawt mai,' ka ti a, ka tawngkam chu kan nu rilruah nilengin a awm ta tlat mai a!!
Tlaia a rawn hawn chuan inthlak hmasa lovin, 'I ram ngaih hla ho kha han sa lawk teh khawngaihin?' a ti ta tlat mai a, ka sak lai chuan mittui tla zawih zawihin a lo ngaithla a, 'Hengte hi Lalpa'n phawrhchhuah tul a ti a ni,' a ti ta mauh mai a! Hma kan la zui ta a ni!
A hlim chhawnah chuan hmalak a har hle mai; hmalakna a kal thui viau hnuah pawh tawpsan mai duhna thinlung hial puin nidanga kan buailohnaah kan buai tam hle mai!
Mahse he album kawng tur chu hei ngei hi a lo ni a, tun hi min hruai thleng ta a nih hi! Lalpa chu fakin awm rawh se!!
Kan ram veina thinlung atanga lo chhuak; ram siamthat duh takzetna atanga tihhlawhtlin a ni a; Lalpa'n malsawm se la; hmang tangkai se la ka ti takzet a ni........
He album a mi tangkai tak takte hi langsar takah leh langlo lamah mi engemaw zat an awm a; Lalpa'n a chhinchhiah vek ang tih ka ring, an zavaiin Lalpa'n malsawm sela; Pathian leh kan ram leh hnam lo hmangaih deuh deuh rawh se..
Che tha em em backing vocalists, Rita, Julie, Kima & Mamuani te hming ka ziah theihnghilh palh hi a mak a, a awihawm loh zawk a ni!!!