Published On Aug 28, 2020
ياكثر ما غيب عنها وانشغـل عنهـا
واخطي عليها خطايـا تجرح الـبالي
وان عاتبت رحت كني ما علي منها
وقفلت عن صوتها سمعي وجوالـي
انظر لها نظرة اللـي مـا يواطنهـا
ما كنها اول طموحي واخر امالـي
وان قلت ابثقل عليهـا ليـن اجننهـا
ضميت عليها عيوني وانشغل بالـي
ادور لوسعـة الخاطـر واعينـهـا
بيـن زمـلاي وجماهيـري وموالـي
وبعض اللحـون الله يسامـح ملحنهـا
تاثر على جوي وتثر علـى حالـي
لا تلهـا ابوشنـب والفـيـن ثمنـهـا
والخاتمة قالوا الغالي هـو الغالـي
تظهر علي ذكرياتي مـن مخازنهـا
واصير فالحفل كني فالخلا الخالـي
اذكر يوم اخفى عبايرهـا تحنحنهـا
وقالت وانامل يديهـا تـازن عقالـي
فمان من يعتـق الانفـس ويسجنهـا
وقامت تبسم ودمـع العيـن همالـي
وتلفتـت فالجـدار اللـي موازنهـا
مثل اللي يقـول لاتتركنـي لحالـي
في وقتها الديرة اللي جيـت زابنهـا
لاوهنـي المريـح الدالـه السالـي
اقـوم أياسـر مبانيهـا وايامنـهـا
ليـن يتبيـن طريـقـي ويتهيـالـي
والله ما يصدح بأذان الفجـر مذنهـا
الا وانا قد قطعت اميـال واميالـي
اسابق اللي عطـت مافـي مكاينهـا
خص اللي سواقها راسه ماهو خالي
مـا ينهبـل ويتحـدى الا مطينـهـا
وانا لاشفت التحدي جانـي هبالـي
اظهر حفيل اطلق الجيات واحسنهـا
والنفس ميعادها فـي دبـرة الوالـي
انا حياتـي شهـر مانـي بضامنهـا
والثانيه تنقص المجمـوع الاجمالـي
ولاقام بيـن المواتـر يامـر وينهـا
عقيـد قـوم علـى العيـال عيالي
جاه النذر من حفيف حربتـه كنهـا
مامورة تقص رجل معرب الخالـي
ولد النظر فيه ابـوه وقـال مكنهـا
القـوم ناصيننـا رجلـي وخيالـي
قال ابشر ان البكـار اللـي نحينهـا
من الاذن للاذن في وجهي وفسبالي
ياموتـري والله انهـا مـا يطمنهـا
الاتقاسيم وجهي في الضحى العالـي
فاخلاقها فـي وفاهـا فـي تدينهـا
نموذج حي تضرب فيـه الامثالـي
وفي بري وخدمتي والله العظيم انهـا
انفع من اصغر بناتي واكبر عيالـي
والله لو اذكر لخلـق الله محاسنهـا
واشرح ماسوت من الخير اول وتالي
ان ابطي شري دواهـا والا كفنهـا
نشميـة تجعـل الرجـال رجالـي
الزائرين الجدد الرجاء الإشتراك فالقناه
وتفعيل الجرس ليصلك كل جديد وجميل جدا
قناتي تهتم بالشعر والشيلات
والقصص والتراث الشعبي
تشرفني متابعتكم ياغالين 👇👇
رابط حسابي في الأنستقرام / aldhaimee
رابط حسابي في سناب شات / aldhaimee
رابط حسابي على الفيس بوك https://www.facebook.com/profile.php?...
رابط حسابي على التيك توك https://vm.tiktok.com/3xmECk/