名將介紹 - 鄭榮植 （韓國）

韓國以往出產好多削球手，畢竟打兩面反貼要贏中國球手好難，所以要出奇制勝。不過近年就出咗鄭榮植，兩面反貼正反手都不俗，對香港、什至中國球手都大威脅，值得留意。

過你兩招 - 高吊孤圈/ 前衝孤圈

就係我哋成日講嘅「拉波」，簡單嘅主要分兩種，用嚟應付唔同情況同旋轉嘅球。當然而家亦好興「枱內擰拉」，相信好多人都做到，不過相對較深入，下輯再詳談。

明日之星 - 陳顥樺 / 周穎詩

兩位年紀都係比較細，可能部份乒迷未必好熟悉。個人資料不詳談了，片段中有介紹，希望大家畀多啲鼓勵吧。

P.S 劇情需要，又要獻醜了。睇返片自己都係勾勾哋手，個動作太細個學了，而家要即時改有啲難度添。另外自己成日高吊拉波，唔夠衝成日好容易畀人回返轉頭，所以真係要再加把勁針對練。

最後非常感謝楊樹基教練借出場地同埋指導！

最後最後，乒迷，可以share 畀多啲人睇嗎？