عيدك مبارك والصباح سعيد ومن العايدين
يابلسم جروحي ياغايت خاطري نور العيون
ارجوك طيب خاطري قبل تروح بكلمتين
حتى لو اتقول اتركوني يامجنن وش تبون
هل تعلم اني فيك معجب ومن اشد المعجبين؟
امون صح ان قلت انا من معجبينك صح امون
قل يس لو اللي يموع الثلج بين الجمرتين
والليل والورد الحمر والصبح والطرف الحنون
بجاه رب ام القرى وبجاه رب العالمين
لاتلحق الطعنه بطعنه مت من كثر الطعون
كنت اتمتع بين حين وبين حين وبين حين
كنت اشتري من يشتريني واعذر اللي يعذرون
مخلص مع اللي معي مخلص بس وين المخلصين
قلوا وكثروا غيرهم ياجعلهم مايكثرون
ياصاحبي ترى المحبه في قلوب العاشقين
اكبربواجد من محبة جاهل في تليفون
الحب صح اخذ وعطا ماهو بحب مراهقين
اللي قبل يبدون في الحب والعلاقه ينتهون
اكبر دليل تشوف حالي ماتسر الناظرين
من دون راحت حالتي في دون حتى تنفدون
ابيك ياعبدالمعين ان حدني وقتي تعين
واثرك ياعبدالمعين اتعان وانا ابيك عون
ان عودة للجد مادون الحلوق الا اليدين
ماعندي استعداد اجامل عالم مايفهمون
واخر ماقول انا صبرت الله يعين الصابرين
اقول امون واقعي يقول تحلم ماتمون

#عبدالله_السميري 😴🤍