Traktir Saya/ Donasi :

https://trakteer.id/w2h-film-0vh5k


Karungut Kunum Nyanyu
Voc. Suriadie
Cipt. Suriadie
Arr. Wawah

Balaku ampun baribu ribu
Dengan ketun penyeneh lagu
Akau manyundau jalahan helu
Maimbit kesah je kunum nyahu

Hayak karungut sarita lampang
Kunum nyahu je gagah gancang
Bakas huma je betang panjang
Menteng mamut je dia gampang

Kunum nyahu katika huran
Uka karajin tunda jalahan
Uluh pahari ije tatu hanjenan
Belum mamut menteng ureh malawan

Bamba bambai penyang antang patehu
Mamua penyang hapa ndiri lingu
Baundus minyak kayu sangka lemu
Uluh tuh mangajang batang danum telu

Kunum nyahu manumun kesah
Utus dayak Kalimantan tengah
Lampang tarung akan sejarah
Akan tuh pangingat anak esun itah

Huang katika je jaman using
Kunum nyahu bahanyi manambang
Hamuk kalahi je dia gampang
Hakayang mihing je Mandau apang

Hurang kesah tunda pahari
Kunum nyahu uluh puna bahanyi
Malawan asang ewen due pahari
Are asang matei tungtang balihi

Kalute kamamut kamenteng kunum nyahu
Tarantang pasha je danum telu
Ganan penyang antang patahu
Panglima tahutun batang danum telu

Huran puji kalahi tulak malawan
Kawan asang je paripunan
Melai hulu miri simpang tu Kahayan
Puruk ruap kaleka huran

Perang tu kalahi je gani tutu
Sampai kalahi akan rumbak batu
Kunum tame nyahu tu manunggu
Asang balua nyahu tu mamunu

Ewen kalahi dia gampa gampang
Hapunu hatejep bilang sama sadang
Mandui mandui nah nyihin Mandau apang
Asang kalah nyahu je manang

Asang matei paham nah are
Dia tahitung tungtang I isek
Baya nah belum batisa ije
Inyuhu buli mules kalute

Ai nyamping pinding batisa sila
Akan tampayah kula tu jalaha
Uka ewan tau bingat kasala
Ela ndai tinai handak mancuba

Sarita kunum nyahu te huran
Mamut menteng ureh tu malawan
Kalahi malawan asang pari paunan
Huang katika je jaman huran

Tandak sarita bilang tarang batabtu
Akan pangingat kawan anak esu
Dia katawan jaka tanggal nyelu
Maklum pangarang jadi bakas hungkou

Sampai hetuh taluh nyarita
Akan kakare je tunda kula
Maklum pangarang dia tu sakula
Baya tikas katau jela


Thanks for always faithful to follow me wherever
although we do not know what we create in the future will be like what .... keep working and berpretasi

Also follow us


Facebook
https: //www.facebook.com/W2H-FILM-110 ...

Instagram
  / wawah_w2hfilm