HAMPHA LUA ING
Sa: Rody

Kei mimawh ka nuntak na, nong itna ka ngaih sut ciang Hampha lua ing e ka to Jesu hangin...
Ama na a sem dingin, ka nunna hong tel man in,
Mi nasem hilo, Topa nasem ka hi...

Leitung hamphatna tuam tuam, ka et khak ka khuadak ciang Khat vei vei ciangin, ka tha nem kha zel e...
Na khempeuh a piang sak Pa, a bawlpa ka neih a kipan,
A hau pen ka hih lam ka kiphawk hi...

• Hampha lua inge, hampha zen mah sing maw...
Topa itna lian lua e, zailua sa’ng...
Lungdam lua ing e, a nung ta ka To Jesu hang in,
Mi hampha penpen tu’n, ka hi...

2. Honpa Jesu hotkhiat na, thei lo khua mialpi sung ah,
Mawhna sungah, siding ka om laitak...
Tu-in Honpa Jesu hang, suahtakna tu’n ka ngahzo,
Hampha zensing maw, nuam lawmlawm sing maw...

Kei lel tak ka nunna aw, nak hamphat zen mah sing maw,
Mi hizah lai ah, kei tang tel banglel tak...
Ama hong theihkhak ka hih, hong phawk khak ka hih se se,
Nuam zen mah sing maw, nuam lawmlawm sing maw...

Na nasem dingin, nong teel manin, Nuam lua ing,
Na nasem dingin, nong teel manin, Hampha lua ing,
Hampha zenmah singmaw, hampha zensing
Hampha zenmah singmaw, hampha lua ing