.
اداء : فيصل بن شرعا
كلمات : محمد بن علوش
فيديو : ماجد الهاجري


:

كبدي اللي كن بها جمـــــرة ٍ حيـه
انجحتها لين لحقت على اقصاهـا

انجحتها لين نجحت وهـي نيـــــه
لين فاحت فوحة السيـف بملاهـا

فـــــــوح خولانيـة الـبـن بـريـه
التهى منهـا المقهـوي وخلاهـا

قام وخلاها على الجمـر مركيـه
راح بيعـود عليهـا ولا جـاهـا

وتل قلبي تلـة الدلـو عصريـه
تل دلو ٍ بيرها مـا نضـح ماهـا

بيــــــد مـن ذوده حيـام ومقزيـه
علمها من امس وهي في مضحاها

هجمتن كنها مـن القـوم مشعيـه
كنها اللي صاحوا القوم ف اتلاها

منويه والبل لامنهـا نـوت نيـه
والله ان تبعـد ويبعـد معشـاهـا

وبري حالي بري من شل اداويـه
طاولت به علّةٍ عجْز ف ادواهـا

عاملٍ في الكبد له كـم عمليـه
سلمت وحل المرض فاللي حذاهـا

كل مـا قالـوا تشالـى دناويـه
مرض عقب ايامه اللـي تشالهـا

من فراق فرق الحي مـن حيـه
لاهو برضن له ولاهو برضاهـا

اخلفـت سـود الليالـي هقاويـه
فاجتـه سـود الليالـي وفاجاهـا

حاكة الفرقى لـه ايديـن مخفيـه
حاكتـه ناسـن قضاهـا بيلقاهـا

يحزن الرجال مـن بعـد غاليـه
وتحرق الجمره رجل من توطاها

صورتن حيه ولـو هـي خياليـه
ماهيب هي وايهـا وكنهـا اياهـا

تدري وش معنى الخساره الحقيقيه
انـك تفقـد كـل رغبــــــــه تمناهـا

غيـر عـادتس يالمقابيل مقفيـه
كان ربي متع الـروح واحياهـا