من دير عنّايا المشهور
لحن: الأب ميلاد طربيه
إنشاد: جوقة الصوت العتيق

من دير عنّايا المشهور
شربل ضوَّى سراج النور
والبيعَه بكلّ المعمور
بتصلّي وبتتمنّى :
يا شربل صلِّي عنّا !

يا راهب عَ هالتلِّه
بمحبستَك عم بتصلّي
ومن قلب الفادي تملّي
محبّه وطُهر وتتهنّى
يا شربل صلِّي عنّا !

وهالأرض اللّي حبَّيتها
فلَحتها زرَعتها وساوَيتها
ومن دَم قلبك روَّيتها
تراباتها عَم تتغنّى :
يا شربل صلِّي عنّا !

إنسان كامل خيّ الكلّ
مجبول محبِّه عَ الحِلّ
خلّينا نحنا والكلّ
بالأُخوّه نتكنّى
يا شربل صلِّي عنّا !

قدّيس كلَّك لأللّه
حيَّرت الدنيي كلّها
عن أرضَك لا تتخلّى
يا قدّيس لْ من عنّا
يا شربل صلِّي عنّا !

لبنان هالأرزه الخضرا
عندو شربل والعدرا
يا شربل منّك نظرَه
عَ لبنان وطمِّنّا
يا شربل صلِّي عنّا !