Лоаманцара лаьча декъа ма ала сога,
Хена чура кукал кхайка ма ала сога,
Вахачара дlа-са воха ма ала сога
Хье йоагlе яде йола ва Лорса Лида.

Колхоза зама хьаэттай вайна,
Цунца вай боахамаш тоалуш да вайна,
Колхоза бешамаш хьувкъаш я вайна,
Хье йоагlе яде йола ва Лорса Лида.

Кис леха зама дlаяьннай вайна,
Урдув тела зама дlаяьннай вайна.
Кис дуза зама хьаяьннай вайна,
Хье йоагlе яде йола ва Лорса Лида.

Дода хий тоатол мо со сих ва хьона,
Из яьнна буц мо со дукха вв хьона.
Хьо мел кхаьчача хургволаш ва хьона,
Хье йоагlе яде йола ва Лорса Лида.

lа яхар дац хьона ва Лорса Лида,
Хьона хетар дац хьона ва Лорса Лида.
Сай сил дукхагlа хьо еза сона,
Хье йоагlе яде йола ва Лорса Лида.