أنا العم مانجا ، و النهاردة هنتناقش في موضوع – إتكلمنا عليه قبل كدة في القناة – و هو ما يُسمي بالأجندات في الألعاب.

و بالتحديد ، في المقطع ده ، هأشرح ليه أنا – من حيث المبدأ – لا أنزعج من وجود الأجندات في الألعاب.
أولا ، لأن أصلا تقريبا كل لعبة فيها أجندة ما.

ثانيا ، لأن ما يُخصص وصفا بالأجندات أجده في المُجمل شيء إيجابي مع بعض التحفظات.
طبعا ، لما بتيجي سيرة الأجندات في الإستخدام الدارج في محيط الجيمرز العرب فعادة المقصود هو توجه الألعاب لـ تطبيع المثلية و غيرها من الهويات الجنسية ، ترويج النسوية ، و أخيرا لبعض اللاعبين – اللي بينساقوا ورا الهوجة الغربية – و بتلاقيهم بيرددوا كلام عن فرض الشخصيات السمراء عليهم.

و من هنا أصبح وصف الأجندات في إستخدامنا مُقتصر تقريبا علي الثلاثة محاور دي. و دي مشكلة من وجهة نظري. مشكلة لأنها نظرة مُختزلة و مُضللة ، و من كثر تكرارها و الإصرار علي إستخدامها بالشكل ده ، دخلت خلاص في الوعي الجماعي ، و بالتالي بتؤصل بشكل مباشر سوء فهم طبيعة المنتجات الثقافية ، و بتؤصل بشكل غير مباشر خرافة و هي أن هناك ألعاب ليس بها أجندات و بالتالي حيادية.

و عشان كدة ، تعالوا نضبط مصطلح الأجندة شوية.
مصطلح "الأجندات" يشير إلي المواضيع أو الرسائل أو الدوافع التي يدمجها المطورون داخل اللعبة. قد تكون هذه الأجندات مرتبطة بمفاهيم و قيم و مُسلمات و إفتراضات اجتماعية أو سياسية أو ثقافية أو أيديولوجية أو فلسفية تسعى اللعبة إلى الترويج لها أو استكشافها بشكل مباشر أو غير مباشر.

و من هنا نجد أن المصطلح واسع و إقتصاره علي المحاور الثلاثة السابق ذكرها هو بالفعل إختزال.

تعالوا نتناقش في المقطع
========================
انضم لبرنامج الانتساب للحصول علي مميزات خاصة
   / @manga64  
========================
تابعونا علي منصات التواصل الاجتماعي
📘 Facebook
  / elmanga64  
📷 Instagram
  / elmanga64  
🐦Twitter
  / elmanga64  
👾Discord
  / discord