..... (Original song).....
-ចំណងជើង: ស្រុកអង្គរជុំ មានឃុំប្រាំពីរ
-និពន្ធទំនុក&មេឡូឌី: សែត រិទ្ធីស័ក្តិ
-សម្រួលទំនុកច្រៀង: លោកគ្រូ រ៉ា រ៉ូ
-និពន្ធភ្លេង&សម្រួលតន្ត្រី: ថូយ ពិទូ
-បច្ចេកទេសសម្លេង: Han Record
-ថត & កាត់តវិឌីអូ: សែត រិទ្ធីស័ក្តិ
-ច្រៀងដោយ: សែត រិទ្ធីស័ក្តិ
+គោលបំណងក្នុងការ
និពន្ធតាក់តែងបទចម្រៀងនេះឡើង:
-គោលបំណងទី១: ចង់អោយបងប្អូនទាំងក្នុងស្រុកនឹងក្រៅស្រុក ជាពិសេសបងប្អូនក្នុងស្រុកអង្គរជុំផ្ទាល់តែម្តងអោយគាត់ដឹងកាន់តែច្បាស់ថាតើនៅក្នុងស្រុកអង្គរជុំយើងមានឃុំ
ចំនួនប៉ុន្មាន? ហើយរួមមានឃុំអ្វីខ្លះ? ព្រោះអីខ្ញុំជឿថាមានបងប្អូននៅក្នុងស្រុកអង្គរជុំផ្ទាល់ ភាគច្រើនគឺពួកគាត់ពុំសូវជាស្គាល់ពីចំនួនឃុំ នឹង ឈ្មោះឃុំក្នុងស្រុកខ្លួនឯងអោយបានច្បាស់ឡើយ សូម្បីតែសិស្សានុសិស្សមួយចំនួនធំ ពេលគ្រូដាក់សំនួរទាក់ទងនឹងចំនួនឃុំនឹងឈ្មោះឃុំ នៅក្នុងស្រុកអង្គរជុំដែលជាស្រុកកំណើតខ្លួនឯងផ្ទាល់ក៏សិស្សានុសិស្សមួយភាគធំមិនទាំងដឹងនឹងស្គាល់អស់ផង ខ្លះស្គាល់ដែរតែស្គាល់បែបស្រពិចស្រពិល។ ដូច្នេះខ្ញុំសូមបញ្ជាក់នឹងបន្ថែមអោយកាន់តែច្បាស់ទៀតថា គិតចាំពីថ្ងៃដែរគេបង្កើតស្រុកអង្គរជុំរហូតមកដល់បច្ចុប្បន្ន(២០២២)គឺស្រុកអង្គរជុំមានឃុំចំនួន៧ ដែររួមមានឃុំ:
១.ឃុំគោកដូង
២.ឃុំចារឈូក
៣.ឃុំនគរភាស
៤. ឃុំតាសោម
៥.ឃុំដូនពេង
៦.ឃុំគោល
៧.ឃុំស្រែខ្វាវ។
+បញ្ជាក់: ឃុំទាំង៧នេះយើងខ្ញុំជាអ្នកចម្រៀងនឹងអ្នកនិពន្ធក៏ពុំបានដឹងច្បាស់ដែរថាឃុំណាគេបង្កើតមុនហើយឃុំណាគេបង្កើតតាមក្រោយនោះទេ។
-គោលបំណងទី២: ត្រង់ប៉ារ៉ូលបទចម្រៀង: [ឱ!ឃុំនគរភាសជាសចាកឆ្ងាយញ្ញាតិ គោកស្ពាន(ភូមិស្គាន)
ខ្ញុំឃ្លាតនឹកញ្ញាតិចាស់ក្មេង] ត្រង់ចំណុចនេះគឺជាការនិពន្ធរបស់ លោកគ្រូ រ៉ា រ៉ូ ដែរគាត់និពន្ធចេញពីចិត្តរបស់គាត់ ព្រោះអី ពេលដែរគាត់រៀនថ្នាក់ទី១២ចប់ គាត់ប្រលងបាក់ឌុបជាប់ហើយបន្ទាប់មកទៀតគាត់ដាក់ពាក្យប្រលងគ្រូហើយជាប់ទៀត ហើយខ្លួនគាត់ត្រូវក្រសួងតម្រូវអោយគាត់បន្តទៅរៀនខាងផ្នែកគ្រូបង្រៀននៅខេត្តកំពង់ចាមអស់រយះពេលចំនួន២-៣ឆ្នាំ ដែរធ្វើអោយខ្លួនគាត់ត្រូវរសាត់ចាកឆ្ងាយពី ឃុំនគរភាស នឹងភូមិគោកស្ពានឬ
(ភូមិស្គាន) ដែរជាទឹកដីកំណើតរបស់គាត់ហើយធ្វើអោយគាត់មានចិត្តនឹករលឹកដល់បងប្អូនញ្ញាតិសន្តានរបស់គាត់ជាពន់ពេក ទើបខ្ញុំសម្រេចចិត្តអោយគាត់ជួយបញ្ជេញបញ្ជូលនូវ
ប៉ារ៉ូលក្នុងបទចម្រៀងនេះខ្លះៗដើម្បីអោយបទចម្រៀងនេះមាន
ទាក់ទង់នឹងឃុំនគរភាសផងដែរ។
+ប៉ារ៉ូលចម្រៀង:
I. ស្រុកអង្គរជុំមានឃុំ៧ ទឹកដីល្អស្រស់សោភី ប្រៀបបានទីឋានទេវតា...ភ្នំពើងតានាន់គន់គាប់នេត្រា..ទេសភាពស្រស់ស្អាតអស្ចារ្យ ស្ថិតនៅក្នុងឃុំគោកដូង...
II. ឱ!ឃុំចារឈូកនឹកភ្នកគេងគិត ទំនប់តាគោដួងចិត្ត ប្រណិតដិតជាប់បេះដូង
រដូវបិណ្ឌភ្ជុំទឹកធំកន្លង មនុស្សម្នាមូលមីអឺងកង ងូតទឹកផ្តោះផ្តងគគ្រឹកគគ្រេង....
R. ឱ!ឃុំនគរភាស..ជាសចាកឆ្ងាយ
ញ្ញាតិគោកស្ពានខ្ញុំឃ្លាតនឹកញ្ញាតិចាស់ក្មេង ឱ!ឃុំតាសោមនឹងឃុំដូនពេង ចិត្តខ្ញុំសង្រេងគេងកួចស្នេហា....
III. ឃុំគោលកៀកកឹតជិតឃុំស្រែខ្វាវ ឃុំទាំងពីរខ្ញុំច្រៀងហៅ ទេសចរណ៍អោយមកទស្សនា ទឹកស្ទឹងស្ពានថ្មត្រជាក់កាយា សម្បូរសម្បត្តិប្រាង្គប្រា មរតកដូនតា ស្រុកអង្គរជុំ....
សម្បូរសម្បត្តិប្រាង្គប្រា មរតកដូនតា........ ស្រុកអង្គរជុំ.......
+និពន្ធនៅភូមិទឹកថ្លា:
២៤.ឧសភា.២០២១