Published On Jul 23, 2024
~ ♩ كلمات • مطلق الطايعي
~ ♩ استديو • هـــآي تـــــون
~ ♩ فـديــو • نـاصر البقــمي | Nasser .
•♩•
لو الليالي كلها مثل ذا الليل
بيّحت مكنوني وطريت جيبي
لكن في رجوى الليالي المقابيل
اللي تمنيني بـ لاما حبيبي
ياليل ياليل العنى والغرابيل
طلعت دمعاتي وطلعت شيبي
اسود سوات القار والكحل والنيل
قمراك ماطلّت علينا تغيبي
بلاحي الورقى وبسبرك ياسهيل
مذهب ولاني ناشد عن ذهيبي
وين انت ياراعي الرموش المظاليل
ياللي سفر وجهك يطفي لهيبي
خليتني مجنون مثل المهابيل
كل يخايل حالتي ويحكي بي
والصبر مر وحب الاقصى بهاذيل
والبعد شين وكثرت الدوس عيبي
وان مت ماتو في الموده رياجيل
ذي قدرة الوالي وهذا نصيبي
منّان بالهين ومغرور وبخيل
يبست كبدي لاتيبس قليبي
ياويل قلبي من بلاويه بالويل
تقدر تعالج علتي ياطبيبي
سوالفك تشفي قلوباً مغاليل
واحلا شوي من العسل والحليبي
هرجك صحيح وهرج غيرك دهاويل
في ضحكتك ماشبع ولا اروي رغيبي
واقدرك بالحيل واغليك بالحيل
وملبيٍ رايك ورايك صعيبي
ماعاد لي حيله ولاعاد لي حيل
باسلم امري غصب مهوب طيبي
ليا عدلتك تاخذ شوي وتميل
والظاهر انك بتغدي وتغدي بي
قلبك على قلبي يمد الدرابيل
تعلم بغيبي والله اعلم بغيبي
