Najib Mahfuz Misrlik yozuvchi. Qohira universitetining adabiyot fakultetini tugatgan. Najib Mahfuzning 1956—57 yillarda nashr etilgan eski Qohiraning dahalari nomi bilan atalgan mashhur romanlari — «Bayn alkasrayn», «Kasr ash-Shouk» va «as-Sukkariya» 20-asrning 1-yarmidagi Misr oilalari hayoti haqida. «Nil ustidagi safsata» va «Miramor pansionat», «Yomg‘ir ostidagi sevgi» romanlarida Misrdagi 1952 yildagi inqilob va undan keyin yuzaga kelgan muammolar tasvirlangan. «O‘g‘ri va it» romani hamda «Ilohiy dunyo», «Badnom xonadon», «Qora mushuk qovoqxonasi», «Shiypon ostida» novellalar to‘plamlari muallifi. Najib Mahfuzning ko‘pgina asarlari ekranlashtirilgan yoki sahnalashtirilgan. Asarlaridan parchalar o‘zbek tilida e’lon qilingan. Najib Mahfuz Nobel mukofoti laureati.

O‘qidi: Larisa Buxorova