Humingi ng pasensya sa publiko si Lexter Castro, ang residente sa viral video na nahuling nambasa ng isang rider gamit ang isang water gun noong ginanap ang Wattah Wattah Festival sa San Juan.

Sa isang press conference ngayong Martes, July 2, 2024 iniharap sa media ni San Juan Mayor Francis Zamora si Castro na nagsisisi sa kaniyang ginawa.

"Nagpapasensya po ako sa aming mayor sa ginawa ko po. Dahil po sa akin, nasisira 'yung San Juan po. Sa lahat po, humihingi po ako ng paumanhin sa Inyo, sa mga nasibi ko po sa inyo, lalong-lalo na po sa rider. Humihingi po ako ng tawad po sa inyo. Gusto ko po kayong makita personally," wika ni Castro.