Published On Jun 2, 2024
جو الفيراج ينشبني
صوت الشايب يغني
يعطيها و ما يمني
عمرو معاها يفني
و لونديكاب عذابو يزول
بيناتنا عندو قيمة و مسؤول
يسبورطي فيدو بوندرول
غرامها مسيطر عرض و طول.
الفقير ذايب بيناتنا
خوت و الخضرة لي جمعاتنا
نقسمو أي حاجة فحياتنا
ننساو الهموم و لي فاتنا
بلباس الخدمة قاصد التيران
الجهد و تمارة فوجهو يبان
كي يشوفها يولي فرحان
هي غرامو و هي الأمان
واقف صغير من بعيد
حاس بالنشوة و العيد
هرمونها فدمو يزيد
صوت الكورفا رباه شديد
الغالية علينا سيطرتي
بين العروق را سكنتي
بغيناك و منا تمكنتي
للموت معاك و كيفما كنتي
فالغربة وليدك يسقسينا
على الخضرة و خبار والدينا
روحو ݣاعمة بعيدا علينا
هدرة علأيام الزينا
فالزيارة يسال الخبار
يترجى ليلو يولي نهار
يتونس بيك و عليك يهدار
و صدى الحديد يشوفو خضار
نتيا شمعة ضوي لي حياتي
نتيا وردة نورتي يماتي
نتي الاكسيجين نتيا مقاتي
نعطيك روحي و نزيدك ذاتي