Pantun dan Petatah Petitih Minangkabau

"ADAB TARATIK"
.
Kok sawah iyo bapamatang
kok ladang ado bintalaknyo
Hiduik nan usah mangapalang
adab taratik nan ka dijago

Paham sunyi pikiran nyaman
nan bana indak ka barubah
Hiduik di dunia bakasiah-kasiahan
antaro sasamo hambo Allah

Murah rasaki dek sakato
basangketo mangkonyo caia
Haromat kapado ibu bapo
sarato ka urang mulia-mulia

Garak takadia bajanjian
sajak di rahim mulo tajadi
di dunia hanyo manjalankan
Nan tuo wajib dimuliakan
nan mudo patuik dikasiahi
samo gadang iyo dipabasokan

Tampuruang lenggang-lenggangkan
aia di dalam tak bakucak
tagah dek tirih makonyo abih
Urang kampuang samo patenggangkan
kok suko samo tagalak
kalau rusuah samo manangih

Siriah naiak junjungan naiak
manjala juo sampai ka pucuak
Batolong-tolongan di nan baiak
usah batolong-tolongan di nan buruak

Sago niayo maniayo
atau pun suko babuek maksiat
Ijan basipat tamak jo lobo
atau mamakai kijik kianat

Nan elok baiak ditalangkai
rancak dibuang kalau buruak
Dangki mandangki usah dipakai
kawan sairiang sago dituhuak

Manyahuak di hilia-hilia
bakato di bawah-bawah
Usah batanam tabu di bibia
elok manakua pado maningadah

.

𝑱𝒂𝒏𝒈𝒂𝒏 𝑳𝒖𝒑𝒂 𝑲𝒍𝒊𝒌 𝑺𝑼𝑩𝑺𝑪𝑹𝑰𝑩𝑬, 𝑳𝒊𝒌𝒆, 𝑺𝒉𝒂𝒓𝒆 𝒅𝒂𝒏 𝑪𝒐𝒎𝒎𝒆𝒏𝒕



Silahkan di Tonton video-Video kami Lainnya di sini :
   / antonidesaingroup  


Kunjungi juga Media Sosial kami yang bisa di lihat juga :
FB :   / antoni.desain  
IG :   / antoni_desain  
Youtube :    / @antonidesaingroup  

#adabtaratik #petatahpetitihminang #pantunminang


-----------------

Referensi : Buku "Pantun Adat Minangkabau"
NM Rangkayo
Balai Pustaka (1982)