#တရားခံ
#ခင်နှင်းယု
------------

မကြီး၏ အမူအရာသည် ဝမ်းနည်းညှိုးငယ်နေပုံရသည်။ သူကတော့ မကြီးမျက်နှာကို စေ့စေ့မကြည့်။ မကြီးမျက်နှာကိုတင် မဟုတ်။ ကျန်နှမများဖြစ်သော မငယ်ရော၊ မထွေးနှင့် မလေးတို့ မျက်နှာတွေကိုပါ မကြည့်ချင်။

ဧည့်သည်များ စဲသွားပြီဖြစ်၍ ညီမငယ်များက သိမ်းဆည်းစရာတွေ သိမ်းနေကြသည်။ မကြီးတစ်ယောက်တည်း သူ့ရှေ့မှာ ထိုင်နေသည်။ မကြီးသည် လက်ကိုင်ပဝါနှင့် မျက်လုံးအိမ်ကို တို့လိုက်၏။ တစ်စုံတစ်ခု သူ့ကို ပြောရန် အားယူနေပုံရသည်။

“ကိုကိုကြီး အမေ့ကိစ္စကတော့ ပြီးသွားပြီ” မကြီးသည် စကားကို ရှေ့မဆက်။

“ဟုတ်တာပေါ့။ နင်တို့အနေနဲ့က ကိစ္စက ပြီးသွားပြီပေါ့” သူက ဒါပဲ ပြောလိုက်၏။ မကြီးက ရှေ့စကားဆက်ရန် မဝံ့မရဲဖြစ်နေပုံရသည်။ သူကတော့ မကြီးနှင့်တကွ ညီမတွေ အားလုံးကို ဒီလိုမထင်။ ဘာမဆို လုပ်ရဲကိုင်ရဲကြသော သူရဲကောင်းမတွေဟု ထင်သည်။ မကြီး ပြောသလို အမေ့ကိစ္စ ပြီးပြတ်သွား၍ ယနေ့ ရက်လည်ဆွမ်းကျွေး ပြီးပြီ။ အမေ ဆုံးသည့်နေ့က စ၍ အမေ့ကို သင်္ဂြိုဟ်သည့်နေ့အထိ သူ့ညီမတွေသည် မျက်နှာပြောင်သည်။ လှိုက်လှိုက်လှဲလှဲ ငိုကြွေးပြကြသည်။ ငြီးငြီးလောင်နေသော မီးသင်္ဂြိုဟ်စက်ထဲသို့ အမေ့ခေါင်းကို ထည့်ခါနီးတော့ မထွေးက ပုံလျက်သား လဲကျသွားလိုက်သေးသည်။ ကျန်ညီအစ်မ သုံးယောက်ကလည်း မီးလျှံခန်းထဲကိုပင် ဝင်လိုက်လုမတတ် ဘေးကမိတ်ဆွေများက ဆွဲရငင်ရ တရားပြရနှင့် အတော် ကြည့်ကောင်းသော ဇာတ်ကွက်ဟု သူက ထင်သည်။

အမေသာ သူ့စကား နားထောင်၍ သူနှင့် လိုက်နေလျှင် ဒါလောက် အဖြစ်ဆိုးမည် မထင်။ အမေ့အိမ်က စမ်းချောင်းထဲမှာ။ ကန်ထရိုက်တိုက်တွေ မိုးထိမြင့်တက်ချိန်တွင် အမေ့ အိမ်လေးက မြေမှာ ဝပ်နေသည်။ ပေ ၄၀၊ ၆၀ မြေမှာ အမေက လေးပင်သုံးခန်း ပျဉ်ထောင်အိမ်‌လေး(။?) အဖေရှိစဉ်ကတည်းက ဆောက်ထားသည်။ အဖေဆုံးတော့ အမေ သူ့သမီးတွေနှင့် နေသည်။ သမီးလေးယောက်လုံးက အိမ်ထောင်ကျပြီ။

#ဝတ္ထုတို #မြန်မာ #ရသ #စာရေးဆရာ #စာပေ #Myanmar #Audiobook #Free #Story #ခင်ခင်ထူး
#နေဝင်းမြင့် #ရွှေဥဒေါင်း #မစန္ဒာ #ပီမိုးနင်း #သော်တာဆွေ #ဒဂုန်ရွှေမျှား #မင်းသိင်္ခ #အကြည်တော် #ဆင်ဖြူကျွန်အောင်သိန်း #နုနုရည်(အင်းဝ) #ကျော်ရင်မြင့် #လယ်တွင်းသားစောချစ်
#လူထုဒေါ်အမာ #သန်းမြင့်အောင် #သုမောင် #အဏ္ဏဝါစိုးမိုး #မြသန်းတင့် # ဦးသုခ #ကြည်အေး
#ငြိမ်းကျော် #ကလျာ(ဝိဇ္ဇာ/သိပ္ပံ) #ညီပုလေး #မင်းလူ #ဖေမြင့် #မိုးမိုး(အင်းလျား) #တွင်းကြီးသား တင်ဝင်းဦး
#ဆူးဌက် #မောင်စိန်ဝင်း(ပုတီးကုန်း) #ခင်မျိုးချစ် #တင့်တယ် #သန်းဆွေ #ဂျူး #လွန်းထားထား #ကြပ်ကလေး
#မင်းကျော် #ကျော်အောင် #တက္ကသိုလ်ဘုန်းနိုင် #ပုညခင် #စမ်းစမ်းနွဲ့(သာယာဝတီ)