БЕРАЛЛИН МЕРЗ

ГIайгIане ойланаш хьоьгIуш,
ТIесерсаш ду дехкан дерз.
Мартанан йистте со воьхуш,
Бекаш бу бераллин мерз.

Хьийзадеш догIанан серий,
ЦIеххьана тохало мох.
Хьан йина сан ойла хьере?
Хьенан бу лерера мохь?

Кхин цкъа а хазийта суна,
Доьху хьоь, и мерза зов!
Ца хеза. ХIуммаъ дац гуонах.
Хилла и сан деган ов.

Шен хьаьрса кIозарш а лестош,
Гуьйрено тийжамаш бо.
Мартано тулгIешца хьоьстуш,
ДIахьош сан бералла го.

Абу ИСМАИЛОВ