زوجه  احمد  شربت ٨ طن  أعشاب  اشترتها من الانترنت، وزوجها وداها  للشيوخ الروحانية وعامل المستحيل في بطنها بقاله ٤ سنوات.

احمد  جي بيقولي 
انا تعبت والله يا دكتور

لفينا كتير

المشايخ اختلفوا

في اللي قال عليها واحد

واللي قال عليها اثنين 

واللي قال عليها واحد بيروح وييجي


واللي قال ديانته مسلم واللي قال ديانته مسيحي واللي قال ديانته مجوسي.



واخيرا  احمد بيقول جبت شيخ المشايخ قالى انسي يا بني،  ما تلفش تاني، دي القرينه اتكسحت جوه مراتك وهتفضل عايشه معاها.




،،،،،،،،،،،،،،،،

للأسف بعض المرضى يسير في هذا المسار لتشخيص أو علاج مرضه على أمل الحصول على طريق مختصر و علاج سهل والمشكلة في الاصل كبيرة !!! 

و تكون النتيجة خسارة في الصحة و الوقت و المال.. خسارة تظهر آثارها بعد فترة في صور متعددة ... سواء تأخر شفاء أو عمل تصرفات أو استعمال علاجات خطأ قد  تضر الجسم أو تحدث مضاعفات ...

 رجاء، الدكتور قالك بعد علاج فيروس سي ب ٦ شهور اعمل بي سي ار ، روح واعمله واطمن زي ما قالك.

الدكتور قالك عندك نسبه تليف الكبد  او عندك بؤره وتم علاجها يبقي كل ٣ شهور تعمل اشعه سونار وتحليل الفا فيتو بروتين زي ما قالك .

افحص قاع العين لو اول مره تعرف ان جالك سكر .

حين تواجه مشكلة ..يجب أن تبحث عن الطريق الصحيح المباشر ..حتى لو صعب أو لا تحبه ... لكنه سيوفر عليك الكثير من المعاناة و الألم 



والله بنرجع نندم ولكن بعد فوات الأوان وبعدها نفكر نروح للدكتور.

مراتك هتروح منك ، وابنك هيضيع ، المرض فعلا ممكن يكون عضوي أو نفسي. المرض النفسي مش عيب، وقبل ما انسي كورونا كمان مش عيب. 

بس كده حبايب قلبي وربنا يحفظكم 

الحلقه القادمه هنكمل موضوع علاج القولون العصبي بالأعشاب والعلاج الطبيعي واكلمك عن مفاجأه كبيره عن زوجه احمد ولقينا ايه جوه بطنها….

اشترك في القناه ليصلك باقي الحلقه