(( عيدي معك ))
🎙بحر الكرم

✍🏼حمد بن عبدالله الغالي

🎥 خالد المري

عيدي معك ياجعل ربي يعيده
ولولاك مال العيد فرحه ولا ذوق

ياعيد عمري ياحياتي السعيده
الله جعل لي عيد في شكل مخلوق

أنت الحياه الطيبه والرغيده
وأنت الغلا والحب والود ياشوق

فيك المزايا النادره والفريده
جمال واسلوب وتفاصيل وعذوق

تراك من بالقلب يطغى رصيده
نجمك تعدى بالغلا الغيم من فوق

وصلك يحقق لي الأماني البعيده
وماغيرك بقلبي من الناس معشوق

من قبل جوالي يوّلع بريده
عيّد علي ياعيدي الي له آتوق

عيدي بشوفك عيدي الي أريده
والعيد في قربك حدث غير مسبوق

عساك عيدي فالسنين المديده
مادام وصلك حط لي بالفرح سوق

يا أجمل قديم الحب وأحلى جديده
مالي بدونك فالحشا نبض معلوق

عيدي معك ربي علينا يعيده
وتدوم لي في كل الاعياد ياشوق