Мұрат Кенжебаевтың «Боямасыз махаббат» әңгімесі шексіз әрі адал сезімді танытады. Әңгімедегі әр кейіпкердің іс-әрекетінен біз көбіне мән бермейтін алайда адамзат өміріне ықпалы зор ең маңызды құндылықтарды ұғынамыз. Әсіресе, адамдардың бір-біріне қиын-қыстау кезеңдердегі қолдауы, бірінің жанын бірі сөзсіз түсіне білу, қамқорлық пен мейірім, қанағат пен сабырлық, адалдық пен шынайылық. Бұл қасиеттер бірін-бірі ұнатқан жанның ғана бойында емес, күллі адамзаттың болмысынан табылуы керек адами құндылықтар.
Шағын ғана шығарманың өн бойынан махаббат тақырыбынан өзге қазіргі қоғам үшін өзекті сан мәселені аңғарамыз. Туынды өз оқырманын терең ой тұңғиығына батырып, ерекше сезімге бөлейді.