فين الشباب .. فين الشباب
الكل متسجل غياب
فين الشباب.. فين الشباب
يائس يافندي وشعره شاب
---
قولوا انهم من غلبهم
هيطقوا من كل الجناب
إعلان وظايف خمهم
وحكومة بتبيع السحاب
--
فين الشباب فين الشباب
اتكلموا ينوبكم ثواب
في شويه منهم على القهاوي
وبعضهم تحت التراب

شباب في سجنك واترموا
والله أعلم هما فين
بتقول عليهم أجرموا
عشان برَفضك معروفين
---
لو كنت واثق حضرتك
من كل حرف بتنطقه
عمرك ما كان يفرق معاك
ليه الشباب اتريقوا
---
واخد شهاده اربع سنين
علشان يتاجر في الخضار.
أو يلحق المتغربين
ويجرب العيشة المرار
---
حاول يعوم زي الجنيه
ويلاقي هجرة تروقه
وازاي يقب بذمتك
كل الضحايا بيغرقوا
----
كلمات : محمود موسى..
لحن وتوزيع محمد هارون
Clarinet : hamouso
Guitar : aslan
mix&master :Sound Love Studio
take : studiona

special thanks :
Heba abdulgawad
omer alkilani
basel sha alker
mosab aleskely
amr akkad