កាលពីថ្ងៃចន្ទ អាជ្ញាធររុស្ស៊ីបានចេញបញ្ជាជម្លៀសជនស៊ីវិលនៅក្នុងស្រុកចំនួនពីរ នៅភាគខាងលិចនៃតំបន់នេះ ដែលជាសញ្ញាបង្ហាញពីផែនការ ដ៏មានសក្តានុពលសម្រាប់ការវាយលុក។ ទន្ទឹមនឹងនេះ កងកម្លាំងអ៊ុយក្រែនក៏បានធ្វើការវាយលុកវិញផងដែរ។ ដោយថ្មីៗនេះ ពួកគេបានដណ្ដើម យកផ្នែកមួយទៀត នៃព្រំដែននៅជិត Novyi Put' ដែលស្ថិតនៅភាគនិរតីនៃតំបន់ប្រយុទ្ធដ៏សំខាន់របស់រុស្ស៊ី។ វីដេអូដែលបានផ្ទៀងផ្ទាត់កាលពីចុងសប្ដាហ៍ បានបង្ហាញរថយន្តវិស្វកម្មអ៊ុយក្រែនមួយគ្រឿង បានទម្លុះកំពែងការពាររបស់រុស្ស៊ីដែលអាចឲ្យយានជំនិះយោធាអ៊ុយក្រែនផ្សេងទៀតអាចឆ្លងកាត់បាន។ នៅថ្ងៃបន្ទាប់ ទាហានអ៊ុយក្រែនបានឈានចូលក្នុងទឹកដីរុស្ស៊ី ឆ្ពោះទៅកាន់ភូមិ Veseloe ដែលជាភូមិមួយមានចម្ងាយ ជាង3គម ពីព្រំដែន។