#نادر_الشراري #جديد #السعودية #شيلات


قصيدة مهداه من الشاعر احمد الدودلي
الى ماجد مهدي العريفي السبيعي العنزي

اداء المبدع نادر الشراري

تصميم ومونتاج
بصمة امل للمونتاج والجرافيكس


الشاعر ليا كتب من ندر افكاره
تصبح بيوتً يشوش اللي تغناها
قم ارفع الصوت جاك الجزل بأشعاره
قصيدةً بسم ربي اليوم مبداها
من شاعرً باللوازم ما طفت ناره
وليا قدح كل جن الشعر ناداها
قومي العبي يا هنوف فيك لي شاره
تفرق عن الغيد قعدتها وممشاها
ما كنها الا ربت بقصور واماره
الارض تفرح بخطوتها وماطاها
الحرف ليرة ذهب والجمله سواره
كن الحكي بالوزن لا سمعو حكاها
والشعر ليلً سدل بالظلمه ستاره
لا فلته بالجمال الشعر غطاها
تغار منها اختها والنفس اماره
وخسران منهو ليا طبت تحداها
يا شوق منهو يضيق ليا زعل جاره
المرجله كنها اسمه ما تناساها
يمد يمنى الكرم ماتدري ايساره
ما حسب حساب للرديان وارضاها
الطيب قالوا برجمً فوق له قاره
والذيب كل قمةً بالطيب يرقاها
ماجد بذكره يطيب الشعر واذكاره
مراجله في فعول الطيب نماها
ليا انتخى راعي الهدلا على وجاره
من هدرته روس قومً نسمع رغاها
من راس مهدي بدا عزه ومشواره
الين روس النوايف فوق عداها
يقدم على الطايل بافعال جباره
وغيره من الناس صدت يوم ننخاها
فيه القوافي ماهي بالمدح محتاره
اسمه بوسط القصيده حيل علاها
هذا ابو خالد على العليا شعم ناره
الغانمه ماتردد يوم سواها
الوايلي لا اعتزا ما كثر اعذاره
جينات طيبه على القدحات غذاها