#චතුමධුර #Chathumadura #ධර්ම_දේශනා
චතුමධුර යනු දුබල බව දුරුකර ගැනීමට හොද ඖෂධයකි.
චතුමධුර ලෙස හදුන්වන්නේ මෙය සැකසීමට ද්‍රවයය හතරක් යොදා ගන්නා බැවිනි.

ඒවා නම්,

🌷සප්පි-ගිතෙල් (එළගිතෙල් ද යොදා ගනී)

🌷නවනීත-වෙඩරු (සාමාන්‍ය ව්‍යවහාරයේ දී බටර් ලෙස හදුන්වයි)

🌷සක්ඛර-හකුරු (කිතුල් හකුරු නම් වඩාත් සුදුසුයි)

🌷මධු-මී පැණි

🌸මෙය වටිනා ගිලන්පසකි.

🌸සිල් සමාදන් වී සිටින අතරතුර ඉර අවරට යෑමෙන් පසුව වැළදීමට ද හැකිය.

🌸නමුත් බොහෝ සේ වැළදීම අගුණය.හැනදක් දෙකක් වළදා උණු ගිලන්පසක් වැළදීම යෙහෙකි.

🌸සකුරු නොමැති නම් සීනි හෝ කිතුල් පැණි යෙදිය හැකිය)

🌸වරක් සාදා ගත් චතුමධුර බොහෝ කලක් තබා ගත හැකිය.

සැළකිය යුතුයි:

🍄නියම ගිතෙල් හා මී පැණි නොගතහොත් ඉක්මණින් ම භාවිතයට නුසුදුසු විය හැකිය.

🍄එසේ ම අනුභවයෙන් ශරීරයට අගුණදායක විය හැකිය.

🍃අපගේ භාග්‍යවතුන් වහන්සේට පූජා කිරීම උදෙසා චතුමධුර සකස් කර ගන්නේ මෙහෙමයි.

අවශ්‍ය ද්‍රව්‍ය:
(මෙහි දක්වා ඇත්තේ හකුරු 250g ටඅවශ්‍ය ප්‍රමාණයන්.)

🍒ඇන්කර් හෝ හයිලන්ඞ් බටර් කාලක් (125g)
🍒කිතුල් හකුරු 250g
🍒මී පැණි අවුන්සෙ බෝතල් 01
🍒එළඟිතෙල් අවුන්සෙ බෝතල් 01

සාදා ගන්නා ආකාරය:

🍒බටර් කුඩා කැබලිවලට කපා ගන්න.
🍒හකුරු සිහින් වන සේ ලියා ගන්න.
🍒ප්‍රමාණවත් භාජනයකට බටර් දමා රත් කරන්න.

ලූණු සහිත බටර් යොදා ගත්තේ නම් රත් කරන විට පෙන ඇති වේ. එම පෙන ඉවත් කළ යුතුයි.

🍒එයට ම එළඟිතෙල් ද ටිකෙන් ටික එක් කර රත් කරන්න.
🍒සිහින් ව ලියා ගත් හකුරුවලට වතුර බිංදු කිහිපයක් ඉස ලිපේ තබා හැඳි ගාන්න. හකුරු දිය වීමෙන් පසු බුබුළු නගින විට රත් කර ගත් බටර් සහ එළඟිතෙල් එක් කර පදම එන තුරු හැඳි ගාන්න.
🍒ඝන බවට පත්වේගෙන එන විට ලිපෙන් බා නිවෙන තුරු හැඳි ගාන්න. නිවුන පසු මී පැණි ද යොදා හොඳින් කලවම් කරන්න.
🍒සකස් වීමෙන් පසු ලැබෙන ඝන මිශ්‍රණය හකුරු පැහැයට හුරුයි.

මෙලෙස සකස් කර ගන්නා චතුමධුර සතියක් පමණ කල් තබා ගන්න පුළුවන්.
⋆නිසි පරිදි චතුමධුර සැකසුනා ද යන්න මඳක් රස බැලීමෙන් සොයා ගත හැකියි. නිසි අයුරෙන් සැකසෙන චතුමධුරවලින් බටර්, හකුරු, මී පැණි සහ එළඟිතෙල් යන එකිනෙකෙහි රස සමානව දැනෙනවා. ඒ එක් රසයක්, අනෙක් රසයන් ඉක්මවා යන්නේ නැහැ.
⋆මෙය පහසු යැයි සිතුණත් පදමට සකස් කර ගැනීම අසීරු කටයුත්තක්. සියල්ල හොඳින් මිශ්‍ර වී සෑදෙන චතුමධුර රසයෙන් අනූනයි. අතිශය මිහිරියි.
⋆සාදා ගත් චතුමධුර ඉතා පිරිසිදු භාජනයන්ට බෙදා භාග්‍යවතුන් වහන්සේ ප්‍රමුඛ ආර්ය මහා ශ්‍රාවක සංඝරත්නය උදෙසා මහත් ශ්‍රද්ධාවෙන් යුතුව ම පූජා කර ගන්න.
⋆චතුමධුර විකාල භෝජනයක් නො වෙයි. එම නිසා ඕනෑම කාලයක දී පූජා කරන්නටත් පුළුවන්.

චතුමධුර පූජා කිරීමේ ගාථාව :

අදිවාසේතු නො භන්තෙ-චතුමධුරං පරිකප්පිතං
අනුකම්පං උපාදාය- පතිගණ්හාතු මුත්තමං

ස්වාමීනී භාගය්‍යවතුන්වහන්ස,අපගේ ආරාධනය ඉවසන සේක්වා.උත්තමයන්වහන්ස අප විසින් සකස් කළ සියල්ලෙන් කැප වූ චතුමධුර ගිලන්පස අනුකම්පාවෙන් පිළිගන්වා සේක්වා.

🌸මෙවන් පූජාවන් සකස් කරන විට අපි එය මනා කොට සිදු කරන්නේ කොහොම ද කියලා අපි සිහිපත් කරන්නේ මනා කොට සකසා දෙන දෙයින් මනා වූ ප්‍රතිඵල ලැබෙන නිසා ම යි. ඒ බව අපිට කියලා දුන්නෙත් භාග්‍යවතුන් වහන්සේ ම යි නේ ද?

🌸මෙහිදීත් අනෙක් සෑම පූජාවක් ම සකස් කරන විට අනුගමනය කරන ආකාරයෙන් ම මුඛවාඩම් (මාස්ක් ) බැඳගෙන, පිරිසිදු ස්ථානයක, පිරිසිදු ඇදුම් පැලඳුම් ආදිය ඇඳගෙන, පිරිසිදු උපකරණ පමණක් ම යොදා ගනිමින් චතුමධුර සකස් කිරීම ඉතා යෝග්‍ය යි.

🌸ඒ වගේ ම උඩුවියන් ආදිය ද බැඳගත හැකි නම් ඉතා හොඳයි.

🌸බුදුගුණ සජ්ඣායනාවක් වැනි යමක් හෝ පිරිත් හෝ ඇසෙන්නට දමා ගෙන බුදු ගුණ ම සිතමින් ඒවා සකස් කරන්න.

🌸කෙළ බිඳිති ආදිය විසි වීමට ඉඩ ඇති නිසා ශබ්ද නගමින් කථා බස් කිරීමෙන් වළකින්න (මුඛවාඩම් බැඳගැනීමෙන් මෙය වළක්වා ගන්න පුළුවන්).

🌸මේ අයුරින් ඉතා පිරිසිදුව සහ ශ්‍රද්ධාවෙන් යුතුව සකස්කර ගත් චතුමධුර සිල්වත් ව, මහත් සැදැහැයෙන්, කර්ම ‐ කර්ම ඵල අදහාගෙන භාග්‍යවතුන් වහන්සේ උදෙසා පූජා කිරීමෙන් මහත් ආනිසංස ලැබෙනවා.

🌸අප සියලූ දෙනාට ම මේ ප්‍රණීත පූජාවන් මනා කොට සකසා සිදුකොට, ප්‍රණීත වූ අමෘතය වන අමා මහ නිවන සාක්ෂාත් කොට ගැනීමට භාග්‍යය උදා වේවා!

සැමට තෙරුවන් සරණයි 🙏

Face Book -   / ලස්සන-දෙරණ-lassana-derana-108675920650538  

Whatsapp - 0718888003